رحلتنا فى هذا الصيف ستكون إلى أم الدنيا مصر، إكتشف مصر من خلال عيوننا
تعلن طائرة مصر للطيران عن وصول رحلتها المنتظرة إلى مطار القاهرة الدولى
أوكى يا جماعة، بعد وصولكم بالسلامة وبعد ماترتاحوا فى الفندق هيكون فى جولة حرة على كورنيش النيل مساء اليوم،
وإن شاء الله بداية من صباح الغد.. نبدأ يارة كل الأماكن الجميلة فى القاهرة.. أحب أذكركم إن الرحلة إلى مصر تشمل زيارة القاهرة، الإسكندرية، الأقصر، أسوان، البحر الأحمر.. رحلة سعيدة إن شاء الله
اوكى، تحبوا تتمشوا ع الكورنيش وتاكلوا درة وللا تاخدوا مركبة فى النيل؟
على فكرة النيل مش بس فى القاهرة، النيل على إمتدادا أغلب محافظات مصر
النيل قديم عمره من عمر الزمن .. النيل ربط مصر بأفريقيا وربط مصر بالحياة
النيل بيطل من عيون شاب اسمر وضفاير بنت خمرية
وجدت موقع رائع عن النيل من المنبع للمصب: ألوان النيل
ومن خلاله تقدر تنزل "شاشة توقف" رائعة لمناظر متعددة فى مصر
فقط إملأ الإستمارة ثم تظهر صفحة بها رابط التنزيل
ومن خلاله تقدر تنزل "شاشة توقف" رائعة لمناظر متعددة فى مصر
فقط إملأ الإستمارة ثم تظهر صفحة بها رابط التنزيل
ودلوقتى، لزم ننام بدرى علشان بكرة عندنا يوم طويل فى قاهرة المعز
ملحوظة: سأعلن عن مصدر الصور بعد إنتهاء الرحلة. ليه؟ عشان ماتتحرقش الرحلة
posted by بنت مصرية @ 12:34 PM
8 Comments:
حلو البديل ده فعلا، بس ...
بس...؟
كمل يا علاء
بس إيه؟
مهم اوى نعرف بس ايه
عشان نعالج "بس" مش كده؟
:)
شكرا لك على مجهوداتك الرائعة
بس لم تعجبني الصورتان الأولتان (مصطنعتان) بقدر ما اعجبتني جدا صور النيل في مصر الحقيقية، مصر الفلاحين. عموما الموضوع ده يطول الكلام فيه، بس وعد لازم أدلي بدلوي فيه.
دعواتك (المشكلة هي ظروف الشغل والوقت - يقولون عمل المدرس لا ينتهي ابدا)
Anonymous
وشكرا على المرور والتعليق
Alaa
الله يكون فى العون يا فندم، منتظرين التحليل
بس بقول ايه
انت تقصد ان الصور الاولى شغل جرافيك؟ وللا ايه؟
اقصد ان الصورة رقم 1 و2 لا تعبران عن الواقع كما هو. باحس بنقلة كبيرة بين الصورة 2 وباقي الصور، ما بين الصورة الحلم والصورة الواقع. حاجة اكن الواحد يتفرج على نيل القاهرة (باريس) بعدين نيل الأقاليم (باريس - بس بتاعة الواحات)!!!!!!
فعلا يا علاء
للأسف عيوننا لم تتعود على النيل القناوى والشرقاوى مثلا
اتعودنا على نيل القاهرة
وهو جميل ورائع وبيبهرنى
بس كمان لو شوفنا النيل فى كل مكان بيمر بيه هنلاقيه عظيم بردو
بس مظلوم وفقران وعدمان زى اصحابه
صباح الخير يا شباب
أنا بكتب من مونتريال الساعة 11 و نص بالليل يعني تقريبا وش الفجر في مصر. أنا لسه مكتشف البلوج الجميل دا و الحقيقة أنه أثار بداخلي أشياءكثيرة بعد انقطاع عن مصر دام 3 سنين. الأسبوع الجاي أنا راجع مصر أجازة، أرجو إن يكون كلامكم صح و مصر مش كده إنما كده.
قصدي زي ما احنا عايزينها مكان المحبة و العدل و الحرية.
حازم
Post a Comment
<< Home