كتبت: بنت مصرية
عندما تجولنا فى قلعة صلاح الدين فى القاهرة فاتنة المعز لدين الله الفاطمى ;) طلب منى الفوج أن يقوم بجولة حرة فى شوارع مصر ليختلطوا بناسها فهم يريدون ان يروا المصريين، ولكن.. يا جماعة أنا أخذتكم إلى القلعة لأريكم المصريين فعلا.. المصريين الذين بقوا بعد موتهم واستمروا فى الحياة رغم غياب الجسد فكل جامع ومئذنة رأيتموها هى رجال مصريون أبدعوها، كل زخارف الحوائط تشهد بمصريين أصحاب أياد ماهرة.. وكل كنيسة ومعبد أو أى أثر أو بناء سترونه فى جولاتنا القادمة تشهد بذلك. لقد رأيتم المصريين فى كل صورة وكل لحظة، ليس بالضرورة أن تروا الجسد فالعمل هو الذى يبقى.. ولكن نزولا على رغباتكم سنستمتع بجولة فى شوارع مصر بين أهلها... اهلها العاديين جدا، والبسطاء أوى ومحدش هيشوف حاجة مزيفة.. اللى هتشوفوه شوارع وناس مصريين، فقرا الغلب طايلهم.. لا ليهم فى شرم ولا الساحل الشمالى.
سأترككم بلا تعليق
معلش هعلق هنا: العيش ده فى بلدنا ولا الجنيه الدهب.. حد بيقف طوابير على الجنيه الدهب؟
posted by Ghada @ 12:01 AM
2 Comments:
أولا ً أحب أشكر بنت مصرية على المجهود الرائع حقيقى و أللى ظاهر جدا ً فى رحلاتها أللى بتاخدنا فيها كل عدد
لكن انا عندى ملاحظة عليها و على أغلب الكتاب و المدونين
أن كل اللى بيكتب عن مصر بيتكلم عن شرم الشيخ و الغردقة و الساحل الشمالى و المناطق دى و كأنها مش مصر
لا يا جماعة مصر فيها فقر كتير و غنا كتير و فيها فقراء طبعا ً أكتر من الأغنياء بكتير جدا ً بس ده مش معناه أن الأغنياء مش مصريين ,, لا ,, لأن أحنا كده يبقى من غير ما نقصد بنقسم البلد بلدين و بنزرع الفتنه ما بيننا بدون داعى و كمان بنفقد الثروة القومية بتاعتنا و أللى بتتمثل جزء منها فى رؤس الأموال
أنا رأى أن الفقير أللى بيحب بلده يبقى أنسان ممتاز و الغنى كمان أللى بيحب بلده هو كمان أنسان ممتاز ,, و على فكرة أنا رأى أن الأنسان الغنى أللى بيحب بلده لازم نشجعه أنه يفيد هذه البلد لأن ده حقها عليه و علينا كلنا و نساعده أنه ما يهجرهاش زى ما كتير من الناس بتزهق و تعمل
لأن البلد دى لو أحنا ما حبناهاش ما فيش حد غيرنا حايحبها
مصر طبعا ً طعمها و ريحتها فى الحسين و القلعة و الغورية و الدرب الأحمر و باب الخلق و العباسية بس كمان أنا بأحس بمصر فى شوارع جاردنسيتى القديمة و فلل الزمالك أللى لسه باقي منها يعنى و حتى فى العمارات الجديدة لو فكرنا أن الشقه أللى فيها دى اشتراها واحد بعد عشرة او خمستاشر سنه غربه فى الخليج أو بناها واحد مقاول أبتدى السلم بيشيل قاصعه على كتفه و بيحمل ظلط و رمل و اسمنت حانحس بمصر
عبقرية مصر فى ناسها مش فى شوارعها ,, لأن نفس الشوارع دى لو شيلنا منها المصريين و حطينا أى شعب تانى مش حايكون ليها أى طعم أو تميز
يمكن طولت عليكم لكن أنا مؤمن أن مصر دى بتاعت كل اللى بيحبها و مستعد أنه يضحى علشانها
KING TOOOT
kingtooot.blogspot.com
الذين يزرعون الفتنة يا سيدى هم الذين يسرقون اموال الغلابه ليستمتعوا بوقتهم فى الريفيرا
اولئك الذين انتهزوا الفرصة واستولوا على القطاع العام بازهد الاسعار بالتعاون مع كبار البروقراطيين
اولئك الذين يستغلون زيادة العاطليين وقلة العمل ليبخسوا الشباب حقوقهم
اولئك الذين لم نرى اى مساهمة منهم فى حل مشاكل البسطاء لم نرى منهم سوى الاستغلال والنهب والقروض التى لا ترد
قالوا لنا انهم سوف يدفعون قاطرة التنميه فاخذوا البلد الى الوراء لاحوال لا تختلف كثيرا عن احوال مصر قبل الثوره
بطاله
اقطاع
سيطرة راس المال على الحكم
هذه هى منتجات عصر رجال الاعمال عصر الفساد والمفسدين
Post a Comment
<< Home