Sunday, July 10, 2005


ستلا .. خيبة الملايين!
كتبت:
غادة

عندما اتصلت بي ويلا تاير من وكالة الأنباء الألمانية تسألني عن حملة "مصر مش كده"، وهذه مكالمة سأحدثكم عن تفاصيلها في العدد القادم إن شاء الله، كانت تعتقد أنني أعمل بمجال الدعاية والاعلان لحماسي الشديد في مهاجمة إعلاني "ابتسامة مصر ماتتنسيش" وإعلان "فانتا". وقتها لم أكن أعلم أنني سألقى إعلانا آخر يثير نفس سخطي واشمئزازي ..
..إليكم الاعلان الجديد .. كان موجود على ضهر "روزاليوسف" بالمناسبة


متهيألي دي أبوخ نكتة ممكن تسمعوها عن الصعايدة .. معنديش كلام تاني .. لإني بجد زهقت

11 Comments:

At 3:32 PM, Blogger freedom said...

الاعلان هو باختصار
تجسيد حى وطبيعى
للتطور الطبيعى
فى
الصحافة المصرية القومية
هوه صحيح كان قبل التغييرات فى رؤساء التحرير
ولا بعده
تفرق كتير
أصل قبل كدة
روزا كانت بتعلن عن بيرة مستوردة
هوه ده بقى التغيير ؟؟؟!!!
وبالنسبة للصعايدة
ما تقلقوش
هما مش بيقروا روزا من فترة
زيهم زى بقية المصريين
بيقروا دلوقتى
HELLO
وبيشوفوا الحرة على الدش

 
At 8:23 AM, Blogger BaVaLoVa said...

bsara7a el soora teda7ak bgd, fe3lan nokta

 
At 11:01 AM, Anonymous Alaa said...

أنا مش فاهم ايه اللي مضايقكم بالظبط في الاعلان ده؟

تقصدي مافيش مصريين بيشربوا بيرة؟ ولا أن الصعايدة ما بيشربوش ؟ ولا أن عدد اللي بيشربوا مش ملايين؟

على فكرة شرب بل و ادمان الكحوليات منتشر جدا في مصر

 
At 7:44 PM, Anonymous meshmomken said...

السلام عليكم يامسلمين

ايه شرب البيره منتشر و مالك فرحان كده ليه دي مصيبه بس انا عارف ان مصر لسه بخير بالنسبه للاعلان فممكن اغلط و اشتم بس اعمل ايه اهلي علمني صح و ان كان نفسي اقول بس في الاخر يلا محنا في مصر

 
At 10:12 AM, Blogger Shex said...

يمكن تكون الجملة فيها مبالغة حبتين.. بس ده طبيعي لانه اعلان.. ماهوش تقرير من الامم المتحدة يعني

بس بصرف النظر عن التعميم و المبالغة فالاعلان صحيح مافهوش حاجه غلط... ايوه ستلا منتشره بين المصريين كلهم و الصعايده علي وجه الخصوص

 
At 4:52 PM, Blogger Aladdin said...

اتفق معك يا علاء تماما. الصعايدة لا يشربون البيرة فحسب، بل والحشيش والبامجو أيضا! اسألوا أي حد من الصعيد عن "واجب" الأفراح (حتى في مصر الأحياء الشعبية) طبعا الواجب طبق صغير من "الواجب" (الحشيش)، ولو المعازيم ما شربوش (عشان "يوجبوا" مع أهل الفرح) حتبقى ليلتهم طين! محتاجين وقت طويل عشان نفهم الاول احنا مين، واتفق مع شادي في ان الموضوع مثقل بالمثاليات (قصدي قصيدة كنج توت)

 
At 11:22 PM, Anonymous Anonymous said...

غادة
انتى زعلانه من الاعلان ليه؟
هى دى للاسف الحقيقه واعتقد ان الاعلان مش بيقول ان كل المصريين بشربوا بيرة ولكن المقصود ان البيرة دى لكل الفئات

وبعدين تعالى هنا
انتى قبل ما تزعلى من اصحاب الاعلان ازعلى من اللى اللى ادالهم ترخيص الخمور والكحوليات والدعايه ليها فى بلد المفروض انه اسلامى
على فكرة كل المشاكل اللى انتو مهتمين بيها احنا فى الاساس اللى عملناها بعد فقدان الهويه بتاعتنا
مش الهويه المصريه ولا الفرعونيه ولا العربيه
ولكن الهويه اللى ربنا اعطاهلنا
الهويه الاسلاميه
الاسلام يا غادة
فاهمانى طبعا
...........................medhat

 
At 11:24 PM, Anonymous Anonymous said...

وسلمولى على مصر صاحبة الالف مئذنه
..................medhat

 
At 4:56 PM, Anonymous reem said...

يا جماعه المشكله بقت مشكله مجتمع بقت عنده الحاجه دى عادى هو احنا هنرجع تانىلايام زمان لما كانوا بيشربوا خمور فى الافلام تحس ان مصر كلها كدة.
احنا لازم نحارب السلبيات دى مش لازم يتعلن عليها بالشكل ده يا جماعه احنا لازم نحارب الاعلان اللى بيهد و ملوش دعوه لا بقيم ولا عادات المهم يوصل
انا رايى الشخصى اننا لازم نمنع الاعلان عن السجائر والخمور وغيرها مما لا يتناسب مع دينا ومجتمعنا

 
At 7:56 AM, Anonymous Alaa said...

و الملايين الي مجتمعهم الشرب عنده عادي زيي يهاجروا يعني؟


بنقولوكم ده حاصل فعلا تقولوا برضه مصر مش كده؟

 
At 12:06 AM, Blogger Ghada said...

يا عزيزي علاء إحنا عارفين إن فيه أوساط معينة بيكون فيها الشرب شيء طبيعي ..إحنا مش بنتعامى أو عايشيين في مصر وهمية .. الفكرة في إن الصورة اللي اتقدم بيها الاعلان موجهة لشخصية بعينها .. ممكن تقول رمز ..وبتهاجمه.. مش ملاحظ إننا بقينا نستهين بحاجات كتير قوي؟

 

Post a Comment

<< Home