كتب : كينج توت
بلدنا أحنا مش كده
يمكن بلدكم
حياتنا مش بالشكل ده
يمكن حياتكم
بلدنا أحنا نخيل و نيل
أحاسيس من الزمن الجميل
فلاح و فاس
و ناس كتير بتحب ناس
و بخور و تين
و شاى و قهوة فى الحسين
و بنات خجوله
وولاد بتتعلم يوماتى
معنى الرجوله
و شيخ و قسيس أصدقاء
بيعلموا كل الشعوب
معنى الوفاء
و بصل و فول
و طبق بياكل فيه ميلاد
و بعد منه عب رسول
بلدنا مفتوح للسياحة
بس أعراض البنات
مش مستباحه
دى بلدنا أحنا
أللى ما نعرفش غيرها فى أى وقت
أو اي محنة
يمكن بلدكم
حياتنا مش بالشكل ده
يمكن حياتكم
بلدنا أحنا نخيل و نيل
أحاسيس من الزمن الجميل
فلاح و فاس
و ناس كتير بتحب ناس
و بخور و تين
و شاى و قهوة فى الحسين
و بنات خجوله
وولاد بتتعلم يوماتى
معنى الرجوله
و شيخ و قسيس أصدقاء
بيعلموا كل الشعوب
معنى الوفاء
و بصل و فول
و طبق بياكل فيه ميلاد
و بعد منه عب رسول
بلدنا مفتوح للسياحة
بس أعراض البنات
مش مستباحه
دى بلدنا أحنا
أللى ما نعرفش غيرها فى أى وقت
أو اي محنة
posted by Ghada @ 2:42 AM
7 Comments:
مثاليات مثاليات
بينها وبين الحقيقه مسافات
و الله الحقيقه أنا مش شايف أن ده مثاليات بعيده عن الحقيقة ولا حاجة ,,, و هى دى مصر اللى أنا بأشوفها دايما ً فى الحسين و السيدة و بولاق و أمبابة و الجماليه و شبرا و مصر القديمة و المنيرة و الدرب الأحمر و القلعه و السيده عائشة على سبيل المثال فى القاهرة و فى باب شرق و بولكلى و كوم الدكة و غيط العنب و السيوف مثلا ً فى أسكندرية و بخصوص خط قبلى فممكن تلاقى مصر أللى أنا كتبت عنها من اول العياط و الصف و بنى سويف و مرورا ً ببنى مزار و سمالوط و ابو قرقاص و المنيا و مالوى و منفلوط و اسيوط و ديروط و سوهاج و طهطا و مغاغة و المراغة و ساقولته و جهينه و قنا و الأقصر و ادفو و انتهاء ً بأسوان و النوبه ,, معلش طولت عليك شوية فى قبلى و دلوقتى خد عندك بحرى من الدقهليه و المنصورة و ميت غمر و بنها و طلخا و طوخ و الغربية و طنطا و زفتى و الشرقيه و الزقازيق و ابو حماد و المنوفيه و اشمون و منوف و الباجور و كفر الشيخ من سيدى سالم و دسوق و دمنهور و حتى فى الوادى الجديد و لو تطلع على سيناء الحبيبه شوية حاتلاقى العريش و بير العبد و تنزل تلاقى الطور و نويبع و ابو زنيمة ,,, معلش طولت عليك شوية فى أستعراض خريطة مصر دى و آسف لو كنت نسيت مدن زى مرسى مطروح مثلا ً و لكن ده على سبيل المثال
انزل بقى و لف فى دول كلهم حاتلاقى المصرى أللى أنا كتبت عنه ده
الراجل او الست او الواد او البت أللى بيضحك و فى نفس الوقت شايل هم أكبر من همه مع انه مش ذنبه كل الهموم دى و مع ذلك شايل و متحمل مسؤليه ,, حتى لو رحت مكان زى شرم الشيخ أو الغردقة حاتلاقى أللى بيقدم لك القهوة أو بيحجزلك الغرفه أو بيوصلك من مكان لمكان شاب زيك شايل حمل أسرة وراه أو مستقبل قدامه لازم يبنيه
هى دى مصر أللى أنا أعرافها و مش عايز أعرف غيرها
KING TOOOT
kingtooot.blogspot.com
انا معاك يا كينج توت
مع كل كلمة فى قصيدتك وكل كلمة فى ردك الجميل
مع جزيل احترامى ليك يا شادى، بس مصر لسه حلوة
لو لسه حلوه كده اكيد حالنا
مكنش حيوصل لكده
على فكرة مافيش اسهل من أن أحنا نقول ,, مصر مش حلوة ولا حاجة و خلاص بايظة و مافيش فايده و نقعد نعبر عن مشاعرنا السلبية دى و خلاص و مانعملش حاجة و لا نتحرك خطوة واحدة للأمام
شوف يا شادى
البلد دى لو أحنا ماحبناهاش مافيش حد غيرنا حايحبها ولا يهتم بيها ولا بمستقبلها ,, علشان كده أحنا ( و أحنا بس ) أللى لازم نرعاها و نفكر فى مستقبلها
و على فكرة برده ,, ده مش معناه أنى بأقول أنها مافيهاش أخطاء ,, لا ,, بالعكس هى فيها سلبيات كتير , بس مين المسؤل عنها و السبب فيها ,, مين ؟ , كلنا السبب فيها لأن فينا السلبى و فينا الكسول و فينا الجاهل ولكن أغلب الناس عندها أستعداد تضحى بكتير جدا ً علشان البلد دى , بس حط للناس حلم بتاعهم و بشوفوه
لما كان حلم الناس هو السد العالى ,, تم و نجح
و لما كان حلم الناس حرب أكتوبر ,, انتصرنا و عبرنا
المشكله دلوقتى أن مافيش حلم واحد بنحلموا كلنا للبلد دى و بالتالى كل أنسان مننا أتفرغ لأحلامه الشخصية لكن لو فيه حد قدر يجمع الناس و يعيشهم فى حلم هما بيحلموا بيه و ياخدهم علشان يحققوه , صدقنى حاتشوف مصر غير أللى أنت حاسس بيها دى خالص , حاتشوف أرواح الناس قبل اديهم بتشتغل و بتعرق
حايبقى الموظف بيشتغل علشان البلد و المدرس بيدرس بضمير علشان البلد و المهندس و الدكتور و العامل و الصنايعى و الفنان و .........الخ
صدقنى مصر محتاجة حلم قومى كبير تتلف الناس كلها حواليه و ساعتها بقى أتفرج على المعجزات يا باشا
KING TOOOT
kingtooot.blogsbot.com
يا شااااادى
حلاوتها اللى لسه جواها دى
هى اللى بتدينا الامل فى محاولة التغيير
لو مكنش فى بلدنا خير، وفينا خير مش هنقدر نغير
وبعدين فى احلى واجمل فى بلدنا من ناسها اللى بيظهروا فى وقت الضيق يقولوا لأ..
فى ايه احلى من الناس اللى قالت مصر مش كده
مش دى بردو حلاوة مصر
بلاش يا شادى نفضل نلف وندور حولين مصرنا حلوة وللا وحشة
هى كل حاجاة
المأساة و الفرحة
وادينا بنحاول ندور ع فرحتها ويمكن نقدر نبدل مأساتها
يا شادى اكتبلنا مصر الجميلة فى عينك وانشرها هنا
ومصر الوحشة وانشرها هنا
حقك وحقنا
نعرف بلدنا فى عيون كل ولادها
مش عارفة إيه حالة الاكتئاب اللي ماشية في البلد دي .. كأن الناس بطلت تحلم وبطلت تشوف الألوان ..
يا شادي .. لازم يكون فيه مثاليات عشان الناس تحاول تحقق جزء منها حتى .. وإلا نموت كلنا بقى!
Post a Comment
<< Home