Monday, October 03, 2005


الطويلة موجودة والقصيرة موجودة

فضفضة: غادة


لن أطيل عليكم هذه المرة..وأملأ الكون بصراخاتي وعويلي.. لأن الموقف لا يستحق العناء..
أكره الأفراح والمناسبات التي تتسبب في كارثة حريمية -أكره هذه الكلمة بالمناسبة لكنني أعنيها هنا.. أكره أن تأتيني أحداهن مصطحبة لطخا من النوع الكومبو من طالبي القرب في أي حاجة وأي حد!



كنت أقف مع بنات خالاتي.. و"أهوه... الطويلة موجودة والقصيرة موجودة"!!!


لا أدري لماذا تخشبت لحظتها عندما سمعتها تلفظ هذه الجملة.. واكتفيت بأن أبتسم بغثيان! ولا أدري من أن أتتني تلك القوة الهائلة في ضبط نفسي وكبح جماح "اسفوخس" كانت ستخرج مني مجلجلة في الفضاء!

لدي إحساس بأنني لست الوحيدة التي مرت بهذه التجربة! .. احكوا لي.. بتقدروا تحبسوا "الاسفوخس" ولاّ؟؟

18 Comments:

At 12:48 AM, Blogger Doaa Samir said...

لا والله... بقى إنتِ زعلانة عشان واحدة بمنتهى الصفاقة جت تقول "وأهوه الطويلة موجودة والقصيرة موجودة"؟؟!!!طيب ده كويس إنها ما عدتش لأبعد من كده
حاجة في منتهى الحقارة والحسية.. وكويس إنها ما كانتش مامة سعادة البيه وإنتِ عاجباها لدرجة التماس..!!! آه حاجات مهينة بتحصل.. بكرة يكتبوا في القسيمة المقاسات اللي بتتاخد في الأتيليه أو أي مرادف يعني المكان اللي بيتم التفصيل فيه

 
At 12:48 PM, Blogger KING TOOOT said...

نخاس إن كان أو نخـّاسه
يدخلوا ع الواحده بغلاسه
و بكل سفاقه و قلة ذوق
بيبيعوا و الأسم جوازة
بس نصيحه و أعملى بيها
أفردى أيدك لطّشى فيها
علشان تعرف لكلامها حدود
و تقف و تحاسب خطاويها
______________________
KING TOOOT

 
At 12:51 PM, Blogger KING TOOOT said...

لو كنت سمعتها فى ساعتها
كنت كسرت دماغها و أيدها
و خذقت عنيها عشان ماتشوفش
و قليل ان ماخربتش بيتها
________________
معلش البيت الأخرانى ده كان بينقح عليا قوى
KING TOOOT

 
At 1:42 PM, Blogger shady said...

هههههههههههههه
حصل خير انشاء الله
ما يمكن سلو القبيلة بتاعتهم كده

 
At 7:01 AM, Blogger Taher said...

يا عم كينج ماتهدى شوية
مش مككن تيجى المرة الجاية
تخبط ومعاها ابنها كمان
تطلب ايدها!! توافق هى ؟؟؟
******
انا لىواحد صحبى عملها
خد مامته وراح كلمها
بس مش بصفاقة والله
دا راح علطول وطلب ايدها
*******
بس فى ناس عاوزة تختار
كانها كوسة ولا خيار
ده اللى ماتوافقش عليه
لان الموضوع بقى هزار
*******
بس الموضوع كان فيه تنطيط
من الواد وامه ! دا رسم حويط
واكيد حصلت انزحة فاضية
من الكومبو لزوم التظبيط

 
At 4:29 AM, Anonymous Anonymous said...

إسفوخس و ألف إسفوخس!!

 
At 4:49 AM, Blogger ka3'eem said...

طويلة ايه و قصيرة ايه.هو كرنب...الناس دي محتاجة تنضف دماغها و حسبنا الله و نعم الوكيل

 
At 11:03 PM, Blogger Romantic Rose said...

ما اتخيلش ان ده يحصل معايا .. و ان حصل .. بصراحه بصراحه مقدرش اوعدك اني امنع الاسفوخس و اللي اكتر منها و ارد عليها رد يعلمها ازاي تتعامل مع البني ادمين علي انهم بني ادمين مش حتت موبيليا عايزها قد المقاس اللي فاضي ف بيته .. حسبنا الله و نعم الوكيل .

 
At 1:48 AM, Anonymous Anonymous said...

انا شايف ان المشكله في الولد اصلا دي اهانه ليه هو كمان ان مامته تسحبه من ايده علشان تجيبه و تقول الكلمتين دول يعني هو مش قادر ياخد الخطوه دي لوحده ومامته برده بتعرضه عليكم الصح انه يبقي متابع مش بس الشكل لا التصرفات كمان و مامته متدخلش في الموضوع غير لما يكون هو اختار وتدبر زياره اسريه كده فيها احترام و زوق و منطقيه ده رايي


ده تعليق تاني ليا في الموقع الجميل ده ومش عارف لو جت ردود علي الحاجات اللي انا كتبت فيها مش هيتبعتلي حاجه تعرفني


http://www.blogger.com/comment.g?blogID=13865161&postID=112592403654162928

 
At 8:09 AM, Blogger beeboo said...

يا نهار أبيض
كل الهجوم ده عشان فلتة لسان
الولية ما قالتش حاجة يا غادة
000
معلش يا غادة هانم
الست ما خدتش بالها انك قصيرة أوي كده
أو جايز ما شافتكيش من الأرض
العتب ع النظر

 
At 7:14 AM, Blogger قلم جاف said...

فيه حالات يمكن حبس الاسفخس فيها ، وهناك حالات لا أستطيع حبس الاسفخس ..ردود فعل أمثالي من المختلين عقلياً خاصة العنيفة منها لا يمكن التنبؤ بها..

 
At 3:12 AM, Blogger bird said...

طول عمري بقول ان المجتع ده مش هينضف غير لما تتغير النظرة التقليدية للمرأة.. لكن نعمل إيه لما تكون الست هي اللي نظرتها تقليدية لنفسها ...... هم فاكرين نفسهم لسه في عصر الحريم ولا إيه .. عارفة .. كان لازم تردي عليها حتي لو تعملي عبيطة و تقوليلها قصدك إيه يا طنط و تحرجيها

 
At 11:13 AM, Anonymous Anonymous said...

Looking for information and found it at this great site... » »

 
At 7:54 AM, Anonymous Anonymous said...

عندك حق والله ب الواحد بيناضل عاشان يتخلص من الكابوس دة فى الاول كان عندى امل انى اقنع اهلى ان الطريقة دى فى الجواز غلط وماتناسبنيش لكن ولا حياة لمن تنادى لانى اكتشفت ان ده راى الناس كلها مش راى اهلى بس لكن انا ثابتة على موقفى ومش هتجوز بنى ادم بالعقلية دى

 
At 11:52 AM, Anonymous Anonymous said...

That's a great story. Waiting for more. » » »

 
At 6:30 AM, Anonymous السيارات said...

يعطيك العافية

 
At 9:20 AM, Anonymous Anonymous said...

عاجل الى النقباء والملازمين والرواد بوزارة الداخلية… الحمد لله رب العالمين وبعد……نعلم جيداً أنكم وما صدر منكم من إعتداء على الشعب المصرى خلال الفترة السابقة كان يقع تحت وطئة سيف تنفيذ الأوامر…. .والآن….يتم تقديمكم للمحاكمات ويتم استهدافكم من الشعب المصرى وملاحقتكم فى كل مكان…. .أى أنه من أمركم من القيادات المعتدية بالإعتداء على الشعب ، وسلط سيف النقل أو إنهاء الخدمة أو تلفيق التهم عليكم…حر طليق حتى الآن.. لذلك…السبيل الوحيد أمامكم لتقديم إعتذار فعلى وعملى للشعب المصرى……ويكون إعتذاراً من القلب فعلاً…يصاحبه رد جزء ضئيل من حقوق الشعب الضائعة فى أيديكم منذ سنوات.. إعتذاركم للشعب يتمثل فى قيامكم فوراً بالقبض على وزير الداخلية الحالى وجميع مساعديه…..والقبض على جميع عناصر أمن الدولة والوزراء والقيادات السابقة والحالية…وتقديمهم للنائب العام…وإعداد المستندات والأدلة الجنائية التى تُحملهم المسؤلية كاملة على جرائمهم فى حق الشعب..وجرائمهم فى حق جهاز الشرطة نفسه ، ووسائلهم الدنيئة لإجبار صغار الضباط والأمناء وأفراد الشرطة على الإعتداء على الشعب…. .هيا أيها الرجال……داهموا الخونة المعتدين الحقيقيين وقدموهُم للمحاكمة…ولن ينسى شعب مصر والقضاء المصرى انضمامِكم المخلص للثورة المجيدة….وربما أصبحتم شهوداً على قضايا الفساد بمصر. .نريدكم أن تصولوا وتجولوا فى طول البلاد وعرضها…والمواطنين يرافقوكم ويتوجهون معكم فى موكبِ مهيب… .نريد أن نتبعكم من وزارة لوزارة…ومن مؤسسة لمؤسسة…ومن بنك لبنك….ونحن معاً نقبض ونداهم الوزراء المفسدين وأعوانهم فى كل مكان….. .أيها الضباط الشرفاء من الداخلية…قوموا لجنة عرضها السماوات والأرض…وتوبوا الى الله توبة نصوحاً…وانقذوا مستقبلكم الضائع نتيجة الفساد…عسى الله أن يفتح بينكم وبين إخوانكم من الشعب المصرى مرة أخرى.

 
At 12:26 AM, Blogger arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول

 

Post a Comment

<< Home