Monday, October 03, 2005



جيمي الدرملي

يشاكسكم: حامد

كنت أتناقش منذ عدة أيام مع الحاج بكر (زوج خالتي كماتعرفون) وتطرق النقاش لذكر العائلة المباركية المالكة ، فتحمس الحاج بكر كعادته عندما تأتي السيرة ، وأخذ يلعن سنسفيل جدود كفر مصيلحة نفر نفر من أيام الفراعنة و حتى عصرنا السعيد ..
و كل هذا ليس بمستغرب من مواطن صالح مثل الحاج بكر ..
ولكن الغريب حقاً هو ما قاله بعد ذلك ..
فقد قال بالفم المليان أنه سيعطي صوته لجمال مبارك في انتخابات الرئاسة المقبلة !!

أما عن اسبابه لذلك فهي أن جمال شاب واعد ذو فكر جديد، وذو خبرة سياسية كبيرة بحكم منصبه الحزبي ، وفوق هذا و ذاك أنه ابن أصول مثل بكيزة الدرملي تماماً وليس هجيناً مثل أي شخص آخر تسول له نفسه الأمارة بالسوء أن يتطلع لكرسي الرئاسة (المملكة) ..
و لأنه ابن بابا مبارك و ماما سوزان ، و لأنه ولد وفي فمه بزازة دهب من مال الشعب ، فهو ليس في حاجة لأن يسرق أو ينهب من جديد كما سيسرق و ينهب أي شخص آخر لا ينتمي للعائلة المالكة ..

والحقيقة اعتقدت أن كلام الحاج بكر يدخل تحت باب هرتلة الشيخوخة ، إلى أن اكتشفت أن كثيراً من الناس(ممن لاينتمون للحزب الوطني أولأي حزب آخر) يفكرون بنفس الطريقة ..
في الحقيقة صدمت من طريقة التفكير تلك .. و أخذت أتعجب من رؤيتهم لجيمي على أنه وحده الإنسان الشريف و أننا جميعا ولامؤاخذة أولاد ....
ياترى حد سمع كلام زي كلام الحاج بكر قبل كده ؟

32 Comments:

At 5:30 AM, Blogger odabati said...

يووووووووه سمعنا من دا كتير يا حامد
الحقيقة دا نفس منطق الملوك ...بمعنى يعنى ان الامير الصغير هو اولى الناس بالمك لانه ابن عز ومن صغره متودك فى الكار
لكن ..!!!!

 
At 5:48 AM, Blogger shady said...

كلام يقوله بعض الناس ولكن بالطبع هذا ليس رأى غالبية الناس بل من الواضح أن فكرة التوريث تلقى استنكاراً شعبياً كبيراص لانها ترد بالبلاد لعصور سحيقه لا يتمنى احد العودة اليها اضف الى ذلك ان شعبية السيد الوالد لدى الشعب فى الحضيض ب لحبه فى قلب العامه اصبح ينافس حب شارون ذاته ومن هنا فالامر بالنسبه لجيمى يختلف تماما عنه بالنسبة لبشار والذى يعلم الجميع شعبيته فى سوريا مع رفضنا بالطبع المبداء فى اى مكان
على العموم لو كانجيمى ابن اى حد او مش ابن حد خالص اعتقد ان فرصهفى الرئاسه او قبول الشعب ليه كانت اكتر من كده
وبالتالى فانا انصحه بالتخلص من الشخص اللى واقف قدام طموحه السياسى والنقطه السوده اللى فى حياته

 
At 4:07 PM, Anonymous مريم said...

أيوه يا حامد سمعت دا على أساس القاعدة العجيبة الغريبة بتاعت إنه شبعان و مش هيسرق و الكلام الفاضي ده

ناس تانية بقى قالت لك ايه دا فرصتنا الوحيدة للتخلص من حكم العسكر، قال يعني هو المدني الوحيد اللي ينفع يحكم

ناس تالتة-فقعوا مرارتي بجد-طالبات جامعة قاطعوا الانتخابات اللي فاتت احتجاجا على عدم ترشيح جيمي نفسه لأنه- في رأيهم اللي اتنشر في المصري اليوم- واجهة ووسيم وشيك

النقط السودا في حياة جمال دا كتيرة مش أبوه بس
أنا كنت نشرت رأيي فيه في تعليق في مدونة "واحدة مصرية" هادور عليه و اعمله قص ولصق هنا

 
At 2:34 PM, Blogger المعجبانى said...

شكرا حامد انك اثرت النقطه ديه فى الحقيقه انا لسه جديد فى bloggerلكن بالنسبه للشيخ جمال ابن حسحس ده متربى على الغالى والغالى علشان يفضل غالى لازم بردك يمشى على منطق ابوه ومش هيخالفوه دى يابا عيله بلطجيه لكن لو جمال جه مش هيصلح حاجه بلعكس ده هيخربها وبعد ما يخربها هيجيب ابنوه علشان يعقد على تلها وابقا قبلنى

اخوكم المعجبانى
شمعه تحرق كرسى مبارك

 
At 5:29 AM, Blogger Taher said...

وماله كلام الحاج بكر؟؟؟؟؟
الحاج بكر راجل زى الفل بيقول رأيه

وطبعا مع كامل احترامنا لرأى الحاج بكر فإننا لا نؤيده ولكن الكثير يؤيدونه!!!

بالنسبة للتوريث فدا ممكن مش ممكن دا اكيد اللى حيحصل الفترة الجاية

بالنسبة لينا كشعب ياريت نلاقى واحد فيه مواصفات رئيس محترم يترشح انما معظم اللى على الساحة غير مؤهلين

 
At 5:26 PM, Blogger سندباد مصري said...

سمعنا اه سمعنا ليه هوا فيه حاجه
انا شايف وبقول انا ان كل ده متوقع ومعروف تقدروا تقولوا حتميه تارخيه ل.....الغباء والجهل وتردي مستوي التعليم وقتل القدره علي التخيل و الأبداع وعدم الأيمان بتكافؤ الفرص وأتمني من الله ولا يغلب علي الله ان الناس ديه تلم بعض هيا ومبارك والشله كلها ويروحوا في ستين داهيه يحكمهم ي.... هما بقا أحرار مع بعض المهم يبعدوا عننا وخلاص عايزين نعيش يا عااااالم

 
At 7:13 AM, Blogger ibn_abdel_aziz said...

الشعب يناقش نفسه
ويثبت وجهة النظر الاولي
ثم يسخر منها
ثم يقنع نفسه بوجهة النظر الثانية المعاكسة تماما للاولي ثم
يطلع كسبان الحوار في النهاية
:)
وده المهم
وفي الاخر
مش مهم ايه الراي الصح
المهم انه قال الاولاني والثاني
واثبت ان الاولاني صح او التاني صح
ومافيش داعي حد يزعل من حد
:)
الشعب ده مش طبيعي
معجزة
اي والله

 
At 4:39 AM, Blogger ka3'eem said...

انت مش حتبطل تقليب المواجع يا حامد...مالو جيمي ..دا حتي اسمه علي اسم جيمي كارتر..يعني شغل امريكاني ...تقدر تتكلم في دي؟ يجعل كلامنا خفيف عليهم يا رب...شعب مصر مش عبيط بس هو كسلان شوية و مفيش غير كلمة ابراهيم عيسي...قوم يا مصري و النبي و بعدين قعد تاني..بس قووووووووم!

 
At 10:53 PM, Blogger Romantic Rose said...

و الله العظيم وجهة النظر دي منتشره انتشار غير طبيعي .. اللي بيقول ده شبعان و مش هيسرق و متودك ع الشغلانه و عارف اللعبه من اولها لاخرها و عارف الدنيا ماشيه ازاي بالاضافه الي انه شاب روش و صاحب "فكر جديد" و كمان هو الكارت الذهبي لتخليص البلد من حكم العسكر .. يعني جيمي صاحب ثلاثيه قاهره امام اي منافس هيترشح "ف المشمش في ظل تعديل 76 الغاشم" .. انا شخصيا سمعت الفكره دي من 3/4 سواقين التاكسيات اللي بركب معاهم .. و الوحيدين اللي مش مؤيدين لجمال هما كفايه و بعض قوي المعارضه اللي عايزين يلعبوا لصالحهم و بيدقوا علي فكرة رفض التوريث و شويه مثقفين نفسهم و مني عينهم ف شويه عداله و تكافؤ فرص و حريه و ديموقراطيه حقيقيه " ان شاء الله هيشوفوها ف الجنه" .. و ربنا ما يقطعلنا عاده ف الغنا و الرد علي انفسنا !!

 
At 8:24 PM, Blogger Shoks said...

علي رأي odabati
يوووووووووووووووووووووووووووه كتير من اول عم علي صاحب السوبر ماركت اللي جمبنا لحد ولا بيقول كده علشان مراته منوفيايه كبيرة ومتعصبه :@
بس نفس الكلام بيقوله ابن خالي وده مدير مش عارف ايه كده في وزارة الزراعه ولو ما هو برضه ليه مصلحه في الكوسه وكله عند العرب صابون ..اه بجد مش يمكن عم الحاج بكر ليه مصلحه شوف كده بس الدنيا ماشيه معاه ازاي ولا تبقي مصيبه لو هو مقتنع بكده

 
At 10:40 AM, Anonymous Anonymous said...

الناس بتحاول تقنع نفسها بحجج واهية ! طب ماهو من باب أولى إن الراس الكبيرة هي كمان تبقى شبعانة دلوقتي ! على رأي نور الشريف: "البلد دي بقالها 7000 سنة بتتسرق ولسة فيها خير!" .. ربنا يرحمنا ممن لايرحم

 
At 4:43 PM, Blogger محمد الطاهر said...

والله يا شباب لو على حكاية ان جمال يورث الحكم انا موافق بس المشكله فى شادى جمال مبارك ممكن هوا راخر يطمع

حسبنا الله ونعم الوكيل

 
At 12:15 PM, Anonymous Anonymous said...

اعتقد أن السؤال الصح حد سمع غير الكلام ده قبل كده؟
لأن السؤال الأول كان من الصعب ان تحصى نتائجه يعنى سمعناه كتيررررررررررررررررررررررررررررررررررررررررررررررررررررررررر.

 
At 6:56 PM, Blogger عشقك ندي said...

سمعنا انيل منه بس ملحوظة سؤالك غلط فيه نايس بتفكر كده للاسف الناس اللي كده اصلا معندهمش مخ علشان يفكروا

 
At 6:50 AM, Blogger قلم جاف said...

تراهن إن الكتير من البشر المعارضين للنظام في جلساتهم حيصوتوا لجمال مبارك في الانتخابات لو رشح نفسه..
تراهن إنه حتى الإخوان حيصوتوا لجيمي مش بس بتوع الطرق والكباري اللي قالوا يامبايعة لما الريس قال ياانتخاب...

الاسم في المعارضة المصرية .. طوبة..دبشة.. والفعل أمشير..

 
At 12:11 PM, Blogger notobe said...

عادى اذا كان فى ناس و ناس كتير كمان بتحب بابا حسنى نفسه

 
At 4:24 PM, Anonymous DoctorMini said...

في كلمه قصيره جدا هي :

أن عم بكر هو الشعب المصري .

 
At 12:50 PM, Blogger Adham said...

Hi everbody,

Honestly, I don't mind if Jemi is going to be our next president, but under one condition, he has to earn it in an honest and fair election and I thing that we all know how feasible is this. We don't hate Gamal for his person but we hate the feeling that he is enforced on us and that there's nothing that we can do about it! Thats why all the intellects and educated people of this country hate him but as I see it the bigger problem is that if there were truly a democratic election on the position of the president people like hajj Bakr who are by the way a majority are going to make him win! So, relax NDP, its your time anyways!

What we can do and should do is to show people that this doens't has to be the case and that there are other people who are more qualified for filling this position! And if you know any, please tell me! More on this point on my blog:

www.obscureandmelancholic.blogspot.com

 
At 7:44 AM, Blogger توتة توتة said...

كتير اوي و الله يا حامد سمعنا الكلام ده

 
At 3:17 PM, Anonymous Anonymous said...

by the way there is a similar topic like that in this blog you should check it out. he is a friend of mine and he is new at blogging but he is good i promise just check him out and read his topics, there isn't alot but they are good.

www.2alambakar.blogspot.com

 
At 3:18 PM, Anonymous Anonymous said...

hey there is a similar topic that i think you will be interested to read at my friend's blog at

www.2alambakar.blogspot.com

 
At 5:03 PM, Blogger Ehsan said...

سمعت الكلام ده من ناااس كتير أوي :) . على سبيل المثال و ليس الحصر علي البقال, أحمد مظهر "سواق تاكسي قابلته في وسط البلد". و هو ده الشعب

 
At 12:59 AM, Blogger Queen eraser said...

مش شرط ابو بزازة دهب مايسرقش..
ماهو نفس الكلام اتقال لما قالوا الوزرا بيسرقوا قالو نجيب وزير شبعان..
راحو جابو بتاع العربيات و بتاع شركة برسيل و بتاع السياحه ده و راح باع ارض البلد برخص التراب..
الناس بتحاول تصبر نفسها و تتحايل على الوضع عشان يبقى شكلهم موافق و ان الوضع بايديهم..
لا بايدهم ولا بايدينا الصراحه..
عايزين تعرفوا بايد مين؟؟ اسألوا ماما امريكا(بينكو و بينها هه؟ بلاش فضايح)

 
At 5:31 AM, Anonymous Anonymous said...

هو ده الفكر الجديد اللى عايزيين يوصلوه للشعب ان جمال بيه لامؤاخذة عايش نص عمره تقريبا فى قصر الرئاسة وشبعان لكن لالالالالالالالالالالالالالالالالالالالالالالالالالا
الل بيتعود على قرش سهل وحرام عمره مابيشبع
اذن لا لجنال ولا لمبارك ولا لسوزان ولا لعلاء ولا لكل واحد شيهم وربنا يهدى شعب مصر عليكى يامصر
هشام الصعيدى

 
At 11:09 AM, Blogger مواطن زهقان said...

كل سنة وانتم يبين واتمنى زيارة مدونتى

 
At 11:09 AM, Blogger مواطن زهقان said...

كل سنة وانتم يبين واتمنى زيارة مدونتى

 
At 1:36 AM, Blogger شغبواى said...

شوف ياريس الكلام ده سمعته من جدى الله يرحمه لما كان بيقارن بين النظام الملكى والنظام الجمهورى وقالى إن لو كل اللى إغتنوا من وراء الزعيم جمال عبد الناصر فضلوا في الحكم وما اتغيروش بعد ما وصل الحم للسادات كانوا وفروا الفلوس اللى خدوها المجموعه التانيه والثالثه وهكذا كل ده كان كفيل بإنه يبنى مصر جنب مصر ...
ولو جه رئيس مش من العائله المباركه كل الناس القريبين من العائله هيسيبوا مصر مع الحصيله وهيجي ناس جداد يلموا حصيله جديده
وسلم لى على الترام ابو دورين
!!!!!

 
At 8:22 AM, Anonymous Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

 
At 3:14 PM, Blogger fr7ty said...

بارك الله فيك

موضوع ممتاز

منتديات

http://www.56waat.com/vb

منتدى

http://www.56waat.com

دليل

http://dalil.56waat.com

قران كريم

http://www.56waat.com/quran

قصايد

http://www.56waat.com/hair

منتديات نسائيه

http://www.fr7ty.com/vb

فيديو مقاطع

http://www.fr7ty.com

 
At 8:32 AM, Anonymous Anonymous said...

topic12, [url=http://www.chop.edu/forum/user/profile/8207.page]buy klonopin[/url], :-) utw, http://www.chop.edu/forum/user/profile/8207.page buy klonopin without prescription *sorry*, [url=http://www.chop.edu/forum/user/profile/8208.page]xanax 2mg online[/url], :-( kwx, http://www.chop.edu/forum/user/profile/8208.page order xanax 2mg *sorry*, [url=http://forum.cprs.ca/default.aspx?g=posts&m=6]order adipex online[/url], :-) yud, http://forum.cprs.ca/default.aspx?g=posts&m=6 order adipex online :-(, [url=http://forum.cprs.ca/default.aspx?g=posts&m=7]buy alprazolam without prescription[/url], :-) kiq, http://forum.cprs.ca/default.aspx?g=posts&m=7 buy alprazolam no prescription :-(, [url=http://forum.cprs.ca/default.aspx?g=posts&m=8]buy ambien without prescription[/url], :-( uio, http://forum.cprs.ca/default.aspx?g=posts&m=8 ambien no prescription *sorry*

 
At 6:27 AM, Anonymous نادى الاخبار said...

كلام رائع
شكرا لك

 
At 12:24 AM, Blogger arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول

 

Post a Comment

<< Home