Monday, October 03, 2005



لو شوية جد??

كتب: عيد العجيلي


إحنا حلوين قوي في الضحك والفرفشة , وهات يا نكت !!!! السياسة عندنا نكت ... الحرب نكت ...السلام نكت .....الكوارث نكت ..... الحب نكت ... الفرح نكت ...

طب بالله عليكم كم نكتة انقالت على زلزال اكتوبر 1991 ؟!!! سمعناش نكته أمريكية على إعصار ريتا أو كاترينا ؟ طيب نكتة من شرق أو غرب عن حرب العراق أو أفغانستان .... ياااااه افتكرت كان فيه نكتة عن حرب أفغانستان أكيد فاكرينها !!!! الطائرات الأمريكية كانت بترمي مواد غذائية للشعب الأفغاني م الجو , واحد مسك فرخة مشوية منها وبص للطيارات وقال : من غير كاتشب ياكفره !!!!

بس برضه النكتة دي مصرية وكانت منشورة كمان كرسم كاريكاتيري لرسام مبدع تحركه عقلية كاتب ساخر عملاق ..... أيه حكاية الشعب اللي فاتحها ع البحري نكت ده ؟؟؟؟ اللي ما يعرفناش يقول إننا أروق شعب في العالم ليست لدينا أية مشكلة على الإطلاق ... المواصلات راااااايقه , والخبز حسب المواصفات القياسية العالمية وفيه شعوب تانية من حوالينا مش لاقياه حتى لو بالمسامير ......

. ليش مستكترين علينا الضحكة ؟ نضحك ..... ويلا بينا نضحك.... نضحك على المستوى الرائع الذي وصلنا له في الكورةبس أخ خ خ خ خ .... لولا فضيحة الزيرو !!!! ولولا خروجنامن تصفيات كأس العالم ..... يلا .... نشوف حاجة تانيةنضحك عليها بقى ....

محدش فيكو يا جماعة عارف الحكومةهتجيبلنا فول رمضان من فين السنة دي ؟ م الصين ؟ لا ....فيه أشاعة قوية بتقول إن الصين يا تبعت لنا الفول ياالفوانيس .... وفيه وحدة حبيبتنا هنا بتموت في حاجةاسمها الفوانيس علشان كده منقدرش على زعلها ونجيبالفوانيس وبلاش فول ..... فيه حاجات تنانية كتيرررر تفطسمن الضحك ..... ضحكونا معاكم ..... إللي عنده حاجةمايبخلش بيها علينا ....... اتفضلوا

5 Comments:

At 1:39 PM, Blogger shady said...

شر البلية ما يضحك
المسخرة الحقيقيه اللى بتحصل الايام دى غطت على اى نكت ممكن تتقال
بيقولك فى واحد شيخ عنده 78 سنه بيوعد باصلاح فى المستقبل ودم جديد

 
At 5:34 AM, Blogger Taher said...

يعنى انت عاوزها غم
بلاش اضحك يا عم
والله الضحك ليغلى
ومش ناقصة كتر هم

 
At 6:59 AM, Blogger قلم جاف said...

فعلاً لك حق تضحك ..
لييييييييييييييه؟
لإن في الوقت اللي فيه كل دة حاصل ، أغانينا كلها نواح ، وأعظم آثارنا مقابر "الأهرامات على سبيل المثال" ، ومسلسلاتنا نكد وإن طلع واحد كوميدي النقاد بيدوه بالباتا القديمة.. وفي كل ذكرى وفاة لمشهور من المشاهير بيعمل التليفزيون اربعين وسنوية في وقت واحد..

وحدووووووووووووووووه..

 
At 8:14 AM, Anonymous Anonymous said...

Excellent, love it! Casino in island mn treasure Undelete recycled files casino threat management training Used aeron chairs blackberry 7230 air cleaner http://www.asthma-resources-4.info

 
At 12:25 AM, Blogger arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول

 

Post a Comment

<< Home