10 Comments:

At 10:00 AM,  shady said...

اقل شئ له فائده اذا كنا نعاى الديناصور ونحن نمل كل نمله تقرصه قرصه ولا نسبب له الا بعد المضايقه وليس الالم فهذا له فائده لانه سيخبر هذا الديناصور اننا نرفضه ونعاديه واننا مازلنا احياء لم نمت بعد

 

At 3:13 PM,  ROMANTIC ROSE said...

انا مع المقاطعه للنهايه .. بجدوي او بدون .. فلن اموت ان قاطعت منتجات العدو و لكن غيري يموت بنقودي ..

 

At 5:22 PM,  Hamed said...

أنا معاكم ياشباب ، و أنا كمان بقاطع من سنين ، الفكرة في حاجة ، شادي شايف إن المقاطعة هتضايق الديناصورات الأعداء ، و روز شايفة إن فلوسها ده ممكن تقتل إخواتها ، أنا شخصياً بقاطع عشان المقاطعة هي الفعل الإيجابي الوحيد اللي الواحد ممكن يخده في حياته ، على الأقل يثبت لنفسه إنه قدر يبقى قد كلمته ..

 

At 6:59 PM,  Anonymous said...

أنا كمان مقاطعة من سنين و الهدف الأساسي للمقاطعة كان العمل بمبدأ "كل واحد يبدأ بنفسه" اللي دايما بنردده و بعدين ما حدش ينفذه
كان هو دا اللي في ايدينا عشان نفعل المبدأ دا
غير كده كان فيه فعلا تهذيب للنفس- خاصة ان معظم الشركات أكل سريع و مشروبات غازيةو صابون- وأفسح المجال لشركات تانية محلية و عربية عشان تملى الفراغ اللي هتسيبه الشركات التانية
المشكلة كانت كالعادة في الكلام الهدام بتاع طب ماهي الشركات الأجنبية بتفيد الاقتصاد و بتوفر فرص عمل مع ان مشروع المقاطعة لو كان اتفعل أكتر من كده كان ممكن يقدر يضغط على الحكومات عشان تفتح مصانع برأس مال مصري خالص بدل ما نروح نشمشم على الكويز و الذي منه

 

At 4:28 AM,  Hamed said...

معاكي حق فعلاً يا مريم ، على فكرة ، فيه كتير صحابي كانوا مقاطعين عشان يسببوا خسارة للشركات الأجنبية ده ، ده كان هدفهم ، الناس ده مستمرتش في المقاطعة ، عشان ببساطة لقوا إن كل مقاطعتهم اللي قاطعوها و اللي هيقاطعوها لغاية مايموتوا مش هتفرق ببصلة مع الشركات ده ، أنا رأيي إن الواحد لو مكانش واخد المقاطعة كموقف ، عشان يثبت لنفسه إنه يقدر يثبت على موقفه و قراره ، يبقى على الأرجح مش هيكمل مقاطعة ..

 

At 7:22 PM,  Anonymous said...

يا بشر بطلوا الوهم الي انته فيه ده ، لما المصانع ده تقفل مش أهلينا واخواتنا هما اللي هيتخرب بيوت أهليهم ويتشردوا . مش تفكره شوية ولا كل واحد عاوز يعمل نفسه فدائي وخلاص ..

 

At 6:51 AM,  ROMANTIC ROSE said...

خلينا مقطوم رقابينا العمر كله علشان لقمه العيش .. يا اخ انمينوس احنا مش فدائيين .. الرزق بتاع ربنا .. "و في السماء رزقكم و ما توعدون" و ربك بيقطع من هنا و يوصل من هنا .. مش ربنا هو اللي قال "و ان تنصروا الله ينصركم " يعني احنا هنبقي بنقاطع علشان نصره اخواننا و كمان بحاجه بسيطه زي اننا ما نشربش كوكا ولا ما ناكلش بيتزا و لا نخلينا زي الاول ناكل و نشرب و ننبسط و اخواتنا يشتغلوا و يجيبوا فلوس و يخلفوا عيال زي القمر مقطومه رقبتها برضه بلقمه العيش اللي بنطفحها مغمسه ذل .. الررررررررررررحمه من عندك يا رب!!

 

At 5:51 PM,  shady said...

يا بطل ما احنا كده بنقاوم الاستعمار الى ناهب ثرواتنا وخيراتنا واللى احتل العراق امبارح مش بعيد تلاقيه فى مصر بكره
فتح دماغك يا اخ انوميس وما تبصش تحت رجليك

 

At 3:00 AM,  Anonymous said...

يا اخوانا أن لا خاين ولا عميل ،أنا بس مبحبش الشعارات و العنتريات ، وربنا عرفوه بالعقل ، قلولي إيه الفايدة من إني أساعد إخواني في العراق وفلسطين و أخرب بيت إخواني في مصر ..
وبعدين فين البديل ، في الأول كان فيه دعاية وفرقعة إعلامية كبيرة عن مكة كولا وزمزم كولا وعبد الباسط كولا ، وبعدين نلاقي السعر غالي ، والجودة يعني ، غير إنها مش متوافرة في كل حتة ..
احنا محتاجين حاجة فعالة ، مش مجرد جعجعة وخلاص ، أنا مش ضد المقاطعة لما تكون زي بتاعت غاندي كده ، طلب من الهنود إنهم يقاطعوا ، و ورّاهم البديل ، قال لهم روحوا البحر و طلعوا منه الملح بنفسكم ..
أيوة يا رومانتك روز ربنا اللي بيرزق ، بس برده ربنا مبيرزقش حد قاعد زي تنابلة السلطان في بيته ، واسعى يا عبد و أنا أسعى معاك ..
وانته يا شادي لو عاوز تقاوم الاستعمار فكر في طريقة إيجابية لده ، ومتكتفيش بإنك تقول أنا مخاصم الشركات الأجنبية ومش هلعب معاها تاني ,,
معايا ..

 

At 4:43 PM,  shady said...

واحد مش قادر يستغنى عن الكولا حيروح البحر يطلع منه ملح
يا عم الحج احنا عاوزين نشرب كولا ونظبط الانانى ونتفرج على النشره اللى بقت احسن من افلام الاكشن
وقول يا باسط

 

Post a Comment

<< Home

Contributors

• Ghada
• Hamed