كتبت: بنت مصرية
معلش يا جماعة حاولت اقتصر على صورة او اتنين لكن بجد معبد الكرنك اكبر من كده بكتير وتفاصيلة كتير اوى .. وانا اختصرته على قد ماقدرت
معبد الكرنك
أكبر معابد العالم على مساحة 100 هكتار.. إحسبوها إنتو بأه
التمثال دا بالذات أنا فاكراه صورت قصاده أصحابى كلهم.. وأنا لأ
وطبعا عارفين طريق الكباش (من أيام خمسة إبتدائى.. فاكرين)
أما أجمل ما فى المعبد فى رأيى.. بهو الأعمدة
بهو الأعمدة.. تحس وانت جواه إنك صغير أوى.. وتفتكر هاميس.. أيوه أكيد هتفتكر هاميس.. عودى يا هاميس
ولكن هاميس لم تكن لتعود.. فقد نزلت فى البحيرة المقدسة وماقبتش على وش المية تانى (من خيالى طبعا)
عند البحيرة المقدسة.. كان عرض الصوت والضوء اللى حضرته لما رحت هناك.. هو ابتدا من أول وانت داخل من طريق الكباش وبيلف بيك المعبد ويستقر عند البحيرة ليقدم بقية العرض.. وفى وسط كل دا.. تمسكنى كريزة ضحك وهزار ماحصلتش.. والناس بقيت تتلفت ع اللى بتضحك من غير مناسبة دى
posted by Ghada @ 3:35 AM
3 Comments:
كده التمام التحديد فى الصور اسن من الكوكتيل
الا صحيح هو مين المقاول اللى بنى معبد الكرنك؟
صوررائعه ياغاده
أعتقد ياشادى إنه عثمان أحمد عثمان
ياسلام
ياسلام عليكم.. قرأت المواد اللي في المدونه ونزلت الدمعه من عيني.. والله نزلت.. مصر عظيمه.. بلد عظيمه.. وشعب عظيم.. بس ايش اللي حاصل له وهو راكد ليه مع ان فيه كل الحاجات العظيمه وكل الناس الرائعين.
Post a Comment
<< Home