اخترناه.. اخترناه
يشاكسكم: حامد
الحاج بكر لمن لم يسعده الحظ بمقابلته من قبل هو زوج خالتي العزيز ، وبعيداً عن العلاقات العائلية المتشابكة ، إلا أنني أعتبر الحاج بكر مثالاً حياً للمواطن المصري الأصيل كما أنزل ، الذي يقضي وقته بعد خروجه على المعاش بين الصلاة في المسحد و الترحم على أيام عبد الناصر "اللي مجابيتوش ولّادة" ولعن سنسفيل أبو حكومتنا الرشيدة من جدورها للزعازيع
..
ولأنه مواطن مصري اصيل ، فسيظل مستيقظاً يوم الأربعاء القادم من بعد صلاة الفجر و حتى الساعة الثامنة بالضبط ليجدد وضوءه ويصلي الضحى أربع ركعات ثم يذهب لأقرب لجنة انتخابية ليقوم بواجبه كأي مواطن صالح ويعطي صوته للرئيس مبارك !!
وبغض النظر عن الأسباب التي جعلت هذه الفئة العملاقة من المواطنين لا ترى لمبارك شبيهاً أو بديلا ، فإن ما نريده أن نناقشه هذه المرّة هو لمن سنعطي أصواتنا بعد يومين ولماذا ، لا أتحدث عن حرق الأصوات أو أي حد غير مبارك و السلام ، دعونا ننظر للعملية كما لو أن مستقبل البلد متوقف عليها فعلا
ولأنه مواطن مصري اصيل ، فسيظل مستيقظاً يوم الأربعاء القادم من بعد صلاة الفجر و حتى الساعة الثامنة بالضبط ليجدد وضوءه ويصلي الضحى أربع ركعات ثم يذهب لأقرب لجنة انتخابية ليقوم بواجبه كأي مواطن صالح ويعطي صوته للرئيس مبارك !!
وبغض النظر عن الأسباب التي جعلت هذه الفئة العملاقة من المواطنين لا ترى لمبارك شبيهاً أو بديلا ، فإن ما نريده أن نناقشه هذه المرّة هو لمن سنعطي أصواتنا بعد يومين ولماذا ، لا أتحدث عن حرق الأصوات أو أي حد غير مبارك و السلام ، دعونا ننظر للعملية كما لو أن مستقبل البلد متوقف عليها فعلا
ً ..
ومن لم يحسم امره بعد ، يمكنه مراجعة مختصر البرامج الانتخابية للمرشحين العشرة الذي أعدته رومانتك روز لمجلة بنت مصرية على هذا الرابط :
ها ..يا ترى كل واحد منا هيغني اخترناك لمين ؟؟
ومن لم يحسم امره بعد ، يمكنه مراجعة مختصر البرامج الانتخابية للمرشحين العشرة الذي أعدته رومانتك روز لمجلة بنت مصرية على هذا الرابط :
ها ..يا ترى كل واحد منا هيغني اخترناك لمين ؟؟
posted by Ghada @ 4:55 AM
25 Comments:
أنا رحت طلعت بطاقتي إمبارح لأني كنت من الناس اللي طاعتلهم توماتيكي توماتيكي على رأي عادل إمام :)
و صحيح يا جماعة إيه حوار التصويت بالبطاقة الشخصية ده.. حقيقي ولا إشاعات؟؟
بالنسبة لصوتي.. فأنا بإذن الله هاديه لنعمان جمعة
هو أكتر واحد اقنعني صراحة.. ده غير إنه راجل محترم و ذو تاريخ.. و الوفد طبعا معروف..و هي المعركة (حتى لو كانت وهمية) في النهاية انحصرت بينه و بين مبارك و نور.. و أنا نور مايكلش معايا الصراحة..
فنعمان جمعة على بركة الله...
زميلى فى المكتب جه يقول ان واحد صاحبه هيدى صوته لنعمان جمعة
قال له ليه؟
قال له عشان هو قال هيشغلنا
ومبارك قال هنكمل المسيرة يعنى هنفضل ع القهاوى
يا سيد حامد خف عنا شوية مش كده عيب عليك
يا عينى انت عاوز تقول ان الناصريين ناس نصابين بيايدوا حسنى مبارك
اقسم بجلال الله ما فى واحد ناصرى فى مصر كلها حياييد حسنى مبارك
لا جاهل ولا عالم ولا حمار حتى
كلامك بقا صعب اخدوه بحسن نية يا حامد سؤ النيه بقا واضح فى كلامك جدا
زي ماهو واضح كده هأختار أيمن نور:)
السبب الأول إعجابي ببرنامجه اللي بيتضمن فترة انتقالية لمدة سنتين يعقبها انتخابات مبكرة
السبب التاني إنه عنده 40 سنة بس، يعني فعلا قريب من جيلنا و مشاكله وتحدياته و لأني تعبت من الناس الكبيرة –اللي على عيني و راسي- إنما أفكارها بجد تنتمي لجيل اخر و كمان أظهر التعداد السكاني إن حوالي 65% من سكان مصر من الشباب. يبقى الأولى يحكمنا شاب
السبب التالت قلته في المقال و هو كمية الثقة و الأمل اللي بيتكلم بيهم نور عن المستقبل و عن إيمانه بدور المصريين في صنع تغيير حقيقي
نعمان جمعة؟!..غريب جدا اختيارك يانور..ربما لو كان الوفد رشح أحد غيره لانتخبته أنما جمعة لاع!ا
مع كامل احترامي لأنه قانوني وعميد كلية الحقوق والكلام اللطيف ده إلا أن الرجل ديكتاتور بدرجة قدير جدا..لم يحتمل طموح أيمن نور ففصله من الحزب..والرجل عصبي المزاج بشكل لايصدق..السباب الذي وجه لأحد المواطنين ع الهواء مباشرة يكفي ويزيد..ناهيك وهذا نقطة لايمكنني أن ابتلعها مطلقا كان رئيس لجنة الدفاع عن يوسف والي ذد جريدة الشعب - التي اغلقتها حكومة مبارك بعدها- ..ويبرر جمعة ذلك بأن يوسف والي صديقه!ا
يابا صديقك ده في النادي ع القهوة ..بس مش في صحة وارواح الناس اللي وداها والي في ستين داهية..يعني تبريره السيء ده عذر أقبح من ذنب..
عن نفسي سأعطي صوتي لأيمن نور ..ليس عن اقتناع 100 % طبعا لكن على الأقل لأنه قدم برنامجا أقنعني..الفترة الانتقالية السنتين هي الحل الوحيد الذي يصح لمصر إذا كنا نريد لها يقظة سريعة..هو قال برنامج ونحن سنحاسبه عليه إذا نجح..صحيح أن نور يهوى الأضواءوثمة علامات استفهام عليه ..إلا أن كل المرشحين كذلك وعلينا أن نختار أقلهم سوءا..بخصوص أمريكا والذي منه..كل المرشحين الرئيسين "مبارك- جمعة -نور" حبايب لأمريكا أكبرهم في ذلك أولهم فماالمشكلة إذن؟!ا
عموما التصويت لأي شخص غير مبارك اراه أمر وطني..نعمان نعمان ميضرش..والمهم الأكتر أننا نروح ..التجربة لست في مرحلة التسخين ولازم نشوفها من الأول..
هتدي صوتك لنعمان جمعة ليه يا نور ، بتقولي هوة أكتر واحد اقنعك ، ياترى أقنعك بإيه بالظبط ؟؟
وليه نور ميكولش معاكي ..كده برده تخلي مريم تزعل منك ..
;)
قوليلي أسبابك وبعد كده قولي على بركة الله ، مش نورماندي تو هية ..
:D
الحقيقة إن مفيش أحسن من قعدة القهاوي يا بنت يا مصرية ، ومعتقدش إن فيه أي مرشح أو رئيس يقدر يشغل الناس كلهاو يخلي الناس تبطل سنكحة على القهاوي ..
برده مقولتيش صوتك هيروح لمين بكرة إن شاء الله ؟؟
أبوس إيدك يا شادي تبطل الحساسية و عقدة الاضطهاد اللي عندك ده ، أنا مقلتش إن الحاج بكر ناصري ، عمره مكان ناصري ، جوز خالتي وعارفه ، ولو سألته عن مؤلف فلسفة الثورة مثلاً مش هيعرف ، الحاج بكر زي كل ولاد جيله ، كان شاب في ايام عبد الناصر ، وعاش الحلم بتاع الفترة ده ، واتحطمت احلامه زي كل ولاد جيله على صخرة النكسة و معاهدة السلام ، الحاج بكر كان حاسس إنه بينتمي لدولة عظمى أيام عبد الناصر (حتى لو كان الإحساس ده غلط) ، دلوقتي حاسس إنه ولا حاجة ، الحاج بكر مش ناصري ياشادي ، وميعرفش حاجة عن فكر عبد الناصر ، ومعتقدش إنه يعرف يعني إيه أيدلوجية اصلاً ، بس هوة مجرد مواطن محبط وشايف إن الأمان له و عياله هوة إن مبارك يتنيه موجود و ميجيش حد جديد منعرفش هيعمل فينا إيه ..
طب ليه يا شادي مفكرتش في إن الحاج بكر إخوانجي عشان بيصلي كل الفروض في المسجد ؟
بغض النظر عن ده كله ، مقلتش هتنتخب مين بكرة إن شاء الله ؟؟
يعني إنتي مع ايمن نور يا مريم ، ومعجبة بموضوع الفترة الانتقالية ده ، طب ما أسامة شلتوت قال تبقى الرئاسة لمدة واحدة بس ، وبعدين موضوع السن له مزاياه وعيوبه ، أنا معاكي إن أيمن نور موهوب وكل حاجة ، بس بيني و بينك أنا موسوس و لما بفكر إن أيمن نور يتحول لديكتاتور بعد ميمسك بكون هموت من الرعب لما أتخيل إنه لسه صغير وممكن يتنيه يحكم البلد 40 سنة متواصلة و لا حاجة !
وبعدين لو عاوزة الحق أكتر برنامج وردي هوة برنامج مبارك ، المهم التنفيذ ..
وبعدين بيني وبينك كده يا مريم أيمننور مش معروف بالظبط ثروتة ده جابها منين ، إيه مصدرها يعني ..مجرد سؤال برئ ..
يا ريت نحاول ناخد معنا صحابنا أو حتى اخوتنا الصغيريين بكرة إن شاء الله ، يا ريت نحاول نكلم معارفنا .. يا ريت الناس كلها تروح بكرة !
طيب و ثروة مبارك و عياله يا حامد مصدرها ايه؟ :)
بلاش دي..لما المشكلة هي فعلا التنفيذ مانفذش ليه و أهو قاعد بقاله 24 سنة؟
شادي قال في تعليقه على اللي كتبته "وطبعا ازاحة من جاء باصواتنا اسهل بكتير من ازاحة الصنم" و الجملة دي عجبتني جدا ..عارف احنا لو عرفنا ننجح أي مرشح بأصواتنا و أخدنا الحق ده، ماحدش هيقدر ياخده تاني لأن الزمن غير الزمن و المكسب اللي الناس بتحققه مابتتنازلش عنه. عشان كده أنا هانتخب نور و أراهن إيجابي بتفاؤل على إنه شاب
حنتخب ايمن نور اللى حيسقط فى الانتخابات ضد حسنى مبارك اللى مش حينتخبه حد
أنا لسه جاية من اللجنة دلوقتي ..رحت و انتخبت و ماكانش فيه مشاكل
إنما لاحظت كثرة عدد الناس اللي جاية ببطاقات عاملها الحزب الوطني-قال يعني تسهيلا على الناخبين-عشان ينتخبوا
مبارك. كمان وأنا واقفة عند الكشوف لاحظت سيدة لابسة جلابية سودة و ماسكة البطاقة دي ، و لاقيت الموظفة اللي قاعدة على الكشوف –وواضح إن فيه سابق معرفة بينهم- بتقولها: انتخبت الريس؟
فردت الست بخضة: هو مش برده رمز الهلال؟
الموظفة: أيوة
الست: طبعا..أمال يعني هانتخب مين غير ريسنا؟
الموظفة: أنا عارفة!
وبعدين لاقيت الموظفة بتقول لحد تاني :العدد اللي انت قلت عليه مش هيبقى كله لأن فيه أسماء مش في الكشوف...الحقيقة ما تدخلتش في الحديث
ملحوظة تانية هي إن الحبر السري –اللي لجنة الانتخابات اخرت تسليمه للقضاة وماكانش فيه فرصة لاختباره- اللي المفروض يبقى في صباعي لمدة 24 ساعة طلع بعد الدعك الشديد بحجر حمام عادي ماعدا منطقة الظفر بس
في الاخر بقى : لسه اليوم في أوله و اللجان مفتوحة لحد الساعة 10 مساء عشان كده مواليد 84 –86 لسه عندهم فرصة ينزلوا يدلوا بأصواتهم بالرقم القومي في لجنتهم الانتخابية ، و لو مش عارفين مكان لجنتهم ممكن يسألوا عليه في الرقم ده-نشر في جريدة المصري اليوم 19468
شادى ياجماعه جاب من الأخر ...إطلعوا أقرأوا اللى قاله فى سطرين
بغض النظر عن كل ما أثير حوله، أنا أرشح أيمن نور. أقنعني البرنامج الذي وضعه وأقنعني أكثر لما سمعته يتحدث بملئ فيه وبطريقة تدل إنه دارس ويعرف ماذا يقول. بند الحكومة الانتقالية وإعادة توزيع سلطات الرئيس وإلى آخره.. لحد مراقبة البرلمان للحكومة من أهم البنود التي شدت انتباهي في برنامجه. بالإضافة إلى رأيه في المجلس القومي لحقوق الإنسان وما يقوم به الآن في مقابل لو تم تحويله إلى وزارة مستقلة. وقبل كل النقاط السابقة، نقطة تحرير "صاحبة الجلالة!!!" من سلطة الحزب الحاكم بحيث إن كل صوت يتكلم بصوته وليس بصوت آخر.
بالطبع أنا لا أقول ولا أشير ولا ألمح أنه المنقذ ومفيش زيه لكنه أفضل المعروضين. وبعدين فيه نقطة مهمة جداً أتمنى أن تتحقق في يوم من الأيام بعيداً عن كل من له اسم جمال -إلا إذا كان جمال عبد الناصر رحمه الله- وهي أن يكون رئيس مصر شاباً لأني أشعر بدمائها قد تخثرت وأصيبت بالسكر والضغط العالي وفي طريقها للسكته الدماغية أو غيبوبة السكر
لأ يا حامد وحياتك إنت نورماندي تو :P
بص .. من أصل 10 مرشحين.. زي ما قلت المعركة إنحصرت بين التلاتة دول.. يعني حتى لو فيه برنامج كويس لحد من السبعة التانيين ..مش هيبقى فيه تاثير للأصوات اللي رايحاله
و ده مش معناه إن حد غير مبارك هيكسب-لا سمح الله- بس أكيد لو فيه نزاهة في الفرز كل ما إرتفعت نسبة المنافسين كل ما كانت الرسالة اللي طالعة لمبارك أقوى..
و واضح إنك جاي تهدي النفوس بيني و بين مريم :PP
بالنسبة لنور أنا شايفة إن فيه شبهات كتيرة قوي عليه.. كلامه و برنامجه أكتر من رائع مانكرش.. و لكن الشخصية نفسها فيه علامات إستفهام كتيرة قوي عليها.. زي ما أنت قلت يا حامد جاب منين اللي معاه ده؟؟ و حد عرف أسباب فصله من الوفد؟؟ اللي مع إحترامي ليك يا أحمد ماظنش أنها كانت بسبب ديكتاتورية نعمان.. و لكن بسبب أفعال تتعلق بنور نفسه..
أنا نازلة مع بابا إن شاء الله أول ما ييجي من الشغل نروح ننتخب .. قمة الديمقراطية والله بابا ده.. رايح ينتخب مبارك و سايبني أنتخب جمعة
:D:D
قلت أنا بارشح، مع إني لسه حاسة بالمرارة لأني ماعرفتش أنزل أنتخب لأني مش عندي بطاقة انتخابية وكمان مش ينفع أنتخب بالبطاقة في أي دائرة وأقرب دائرة لي الآن هي دائرة الريس ذات نفسه، ذات شخصيته...
المهم، فيه نقطة مهمة في كلامك يا حامد، إنت بتقول إن مبرنامج مبارك هو أكثر العروض وردية والحياة لونها بمبي... ماشي، أوكيه.. بس مش واخد بالك إن كلمة الإصلاح ترددت أكثر من مرة لدرجة إنك لو مسكت برنامجهم وفصصته على محاور الإصلاح هتلاقيه كله إصلاحيات. ولما أنا أقول إني هاصلح حاجة، فالمسكوت عنه هنا أنها فاسدة أو لا تصلح للاستخدام الذي هُيئت له وأُوجدت لأجله.
طيب، لما إنت عارف إن الفساد مستشري في أنظمتك وأنها في حاجة إلى إصلاح على أقل تقدير -يعني إن لم تكن في حاجة إلى إعادة هيكلة وبعضها في حاجة إلى هدم كامل وبناء من جديد على أسس غير بالية ومحدثة- لماذا لم تصلح من قبل؟ ولماذا تركت يدك تعيث في الأرض والبني آدمين فساداً؟! مش ده سؤال يطرح ويجمع ويضرب نفسه وبعدين يقسم المجموع على رؤوسنا؟؟؟؟!!! د
حمد الله على السلامة يا مريوم..جميل الحوار اللي دار في اللجنة ده.. أنا كمان عاوزة أروح..
زي ما إنت واخدة بالك إن بلدنا بلد "ديمكراتية" و"كويثة" قوي، عشان كده أنا قاعدة في الشغل ومش هاعرف أنزل.. احم .. ماعلينا..
عموما لسه فيه حبة وقت.. هاحاول أعدي على قسم المنيل (أصلي مولودة هناك) وأنا راجعة.. ناس كتير اشتكت من موضوع التضييق على الناخبين ده.. عشان كده خايفة أروح مالقاش اسمي.. عموما يكفينا شرف المحاولة وكده..
حد سمع عن المظاهرة بتاعة الساعة 12 يا جماعة؟ يعني لو الشوارع مقلوبة يبقى نضحي بشرف المحاولة ونبات في المكتب النهاردة!
:)
غادة
لو معاكي بطاقة إنتخابية
تقدري تروحي أي لجنة تدلي بصوتك "كوافدة"..معلومة مؤكدة
بس أهم حاجة البطاقة الأنتخابية
عطيت ايمن نور صوتي يا حامد لانه الوحيد اللي مش ممثل قدير في مسرحيه الانتخابات الهزليه .. انما الباقيين .. ما شاء الله .. يستحقوا اوسكار الانتخابات .. اللي اتفرج امبارح علي تغطيه القاهره اليوم و شاف تقرير زوجات مرشحين الرئاسه هيفهم كويس قوي معني الكلام ده من مدام شلتوت اللي كانت بتعتذر لمدام سوزان مبارك بقولها "معلش الظروف هي اللي حطتنا ف الموقف ده "
اما ايمن نور .. فبالاضافه لكل الكلام اللي مؤيوه قالوه عنه من استحسان للبرنامج الانتخابي و فتره الحكم الانتقالي و شبكه العمل و و و و .. ثروته بيته اللي ساكن فيه و عربيه ليه و لمراته و 0 الف جنيه ف البنك !!!! هي دي ثروه ؟ كان عنده بيت ف حلوان و فيلا ف المنصوره و عوامه و كل ده اتباع علشان يصرف علي حملته الانتخابيه و ده بنص اقرار ذمته الماليه اللي تبرع بابرازها لان ما فيها من دواعي فخره علي عكس كثر اخرون !!
انا ما يحيك بالشخصيه من علامات استفهام فده طبعا بفعل فاعل .. فلو كان الرجل بكل هذا السوء فلماذا ظل نائب دائرته 10 سنوات و اهالي دائرته يحلفون بحياته و ما له من اياد بيضاء عليهم ؟
و ان كانت تصرفاته هي سر فصله من الوفد لماذا كان اقرب المقربين لفؤاد سراج الدين رحمه الله ؟
وحيد حامد بيقول ف برنامج العاشره مساءا علي دريم انه معترف علي نفسه ف قضيتين نصب .. بالزمه ده كلام ؟ و ماتسجنش ليه؟ ده اللي محكوم عليه بقضيه تمس الشرف ما بيبقالوش صوت انتخابي اصلا يبقي ازاي يرشح نفسه و يبقي رئيس حزب و نائب لمده 10 سنين ف المجلس الموقر ؟
كل الهجوم ده اشمعني علي نور و اشمعني دلوقتي ؟؟؟؟؟
صاحب العقل يميز !!
الإخوان يا جماعة على فكرة إدوا صوتهم لأيمن نور
و المؤشرات الأولية بتقول الوطني ثم الغد ثم الوفد
*بوجود فارق "محترم" بين الوفد و الغد*
ده عشان الوعدين اللي نور قطعهم على نفسه بخصوص المعتقلين السياسيين و الحزب الديني.. أظن إن ده هيغير كتير في ميزان القوى الفترة الجاية لصالح الإخوان
لأن ده أولا و أخيرا في رأيي استعراض لقوتهم و تأثيرهم..
المولد إنفض فعلاً يا جماعة
في الحقيقة أكتر واحد خسر في الانتخابات ده هوة نعمان جمعة ، أنا لو منه الحقيقة أروح أنتحر و أخلص ، مأساة عملاقة بالنسبة لحزب الوفد إن ايمن نور يبقى أعلى منه قوي كده .. و اللذيذ إن الراجل كان بيتكلم بثقة وعاش الدور فعلاً ، للأمانة كلنا عشنا الدور ..
الخاسر التاني بقى هوة مبارك ، 6 مليون بس بعد 24 سنة خدمة في ثانوي ،الحزب هوة اللي انتخبه ، ومفيش غير الحزب هوة اللي شارك في الانتخابات أصلاً ، يعني الموضوع بقى يا إما إنك تكون حزب وطني يا إما إنك تكون وطني !
نسبة المشاركة 23% ، أنا مش فاهم ليه ميكونش فيه نصاب قانوني ، يعني حد أدنى لو مكتملش الانتخابات تتعاد تاني ، إزاي يكون اللي ليهوم الحق فيالانتخاب 35 مليون و اللي ياخد 6 مليون يفوز ، تخيلوا لو كان حسني خد مليون صوت بس كان بقى برده رئيس مصر بالانتخاب الحر !
أنا معتقدش إن فيه تزوير كتير حصل ، هحكيلكم على حاجات لطيفة كمان شوية ، بس أنا شايف إن مبارك فاز بسببنا إحنا ، بسبب كل الملايين اللي قعدت في البيت وقالت يعني أنا صوتي اللي هيفرق ، وبالتالي مارحش غير الفريق بتاعه ، رغم إن الأغلبية مش عاوزاه ، عارفين ، مش عاوز أكون متشائم ، بس كلمة قالهالي أحد الأصدقاء الأعزاء إمبارح وتعبتني قوي ، قال إن الشعب بتاعنا ميستحقش غير حسني مبارك .. و إحنا اللي نستاهل ..
قرأت معظم التعليقات متأخرا كالعادة ولى ملاحظات
1/ ايمن نور احسن المرشحين وبالنسبة لثروته المزعومه لو كانت موجودة كان استغلها فى انتخابت الرئاسة
2/ جمعة ديكتاتور ومظبط مع الوطنى من زمان وافتكروا اجتماعه هو ورفعت السعيد بالشاذلى ىوانتم عارفين اللى يجتمع بالشاذلى يبقى فى جيب الحكومة
3/ أعتقد ان الباقى او بعضهم كانو داخلين علشان النص مليون جنيه مائة الف دعايا و50 الف فى الهوا والباقى فى جيبهم
4/ معروف انها تمثيلية من الاول وان حسنى ناجح ناجح
5/ لو شفتو اليفط المعمولة لحسنى من بعض الاشخاص لوجدتم ان اليافطة الواحدة يزيد ثمنها عن الاف ونصف جنيه
6/ اللى يقول ماكنش فيه تزوير فى الانتخابات حط صباعك فى عينه
ومين قالك إن نور مستغلش ثروته في انتخابات الرئاسة ، إنته متخيل أصلاً يا طاهر إن واحد ميكنش له أي ممولين ويعمل اللي عمله أيمن نور ، ده كفاية الجرنال اليومي أبو 24 قرش ، وحاجات كتير كتير زي كده ..
أنا معاك إنه كان فه تزوير ، بس لازم نعترف إنه مكنش تزوير مؤثر ، يعني مبارك مكنش هيسقط و نور هوة اللي هينجح و كوسوا العملية ، الحزب الوطني راهن إن مفيش حد هيشارك في الانتخابات غيره و كسب الرهان ، يعني الشعب هوة اللي زوّر النتيجة لصالح مبارك !
أكيد يا حامد لان ناس كتير قالت حتختار حسنى وانا كنت مستغرب جدا جدا جدا على الغم من انهم شافو الكحك الامريكى بس على العموم كده او كده سرطان الحزب الوطنى مالوش علاج ومش حيخسر الا بكيان قوى جدا جدا يكون زيه تقريبا او أقل منه على الاقل
Post a Comment
<< Home