ملان ومش عارف مالى اعمل ايه؟
رحت وزارة اشتغل ! شاورو سعادة البيه
ههللت عظمت وكله تمام فى تمام
اتفضل اقعد يابنى خد راحتك تشرب ايه!!!؟؟
**********
يا باشا متشكر ربنا يخليك
ما تشوفلنا وظيفة بأمر معاليك
قالى بس كده دا الأمر سهل بسيط
بس انت فتح مخك وامضى لى عالشيك
**********
حتة صياعة قلتله ياباشا مش قيمتك
ولا ألف شيك وشيك يهزوا فى فخامتك
قاللى بص يالا الموضوع ومن الاخر
انك لو مش حتدفع ينعل أبو عيلتك
**********
قمت اتنطرت ووشى كله شحوب
يارب قوينى على الظالم دا انا مغلوب
البلد حالها يخوف حتى الكبار كمان
يبيعو ابوهم وعيالهم ولو بقالب طوب
وعجبى
طاهر أمين
posted by Ghada @ 5:50 AM
4 Comments:
بجد برافو
حلوة قوي فعلا و واقعية
قمت اتنطرت ووشى كله شحوب
يارب قوينى على الظالم دا انا مغلوب
البلد حالها يخوف حتى الكبار كمان
يبيعو ابوهم وعيالهم ولو بقالب طوب
--
عجبتني دي
:)
أولا اسف جدا للتأخير لان جو الانتخابات مكانش متوافق مع هواى فروحت أصيف ولسه جاى
بشكر المجلة لانها عرضت حاجةلى متشكر جدا جدا يا مش كدا
نور متشكر بس اكيد الناس كلها عارفة كده
غادة يعنى انتى سيبتى الموضوع كله وجيتى عند الحتة بتاعة الكبار ياللا ربنا يستر على العموم شكرا
اداباتى والله انا مفهمش فى الحاجات دى اوى وان كنت درستها فى يوم من الايام ودا مش شعر دى كانت حالة ملل فعلية فطقت فى دماغى اكتب عنها انما الجماعة بتوع الشعر والناس الجامدة احنا مش أدهم
اوداباتى انا عارف ان انا مافتكستش اى جديد لان اناس كلها عارفه حال البلد بس انت ايه وجهة نظرك بالضبط لانها ما وصلتش صراحة
Post a Comment
<< Home