Saturday, August 06, 2005



تعليمنا أونطة .....هاتوا فلوسنا


كتب: أحمد ممدوح


زمان كان أديبنا الكبير الدكتور طه حسين لما كان ينادي بضرورة مجانية التعليم وقال جملته الشهيرة " التعليم كالماء والهواء " و لقينا الشاعر الكبير أحمد شوقي بيقول في أحد أبياته
" بالعلم والمال يبني الناس ملكهم لم يبن ملك علي جهل وإقلال "

ولما نلاقي الدستور المصري وينص علي أن التعليم حقا لكل مواطن وتكفله الدولة وذلك طبقا لنص المادة (18) لازم نؤمن أن التعليم شئ ضروري في حياتنا كلنا وأن الأمم تقدر بالعلم والمعرفة والقدرة علي الإبداع والابتكار.
لكن لما نلاقي مستوي التعليم في كل الدنيا بتطور وعندنا أحنا بس واقف محلك سر والمقررات ما اتغيرتش من أيام الملك رمسيس لازم يكون في حاجة غلط ..لما تلاقي التحصيل في نهاية حياتك يساوي صفر وتكتشف أنك بعد 22 سنة من حياتك مازالت معلوماتك علي قد حالها يبقي متضحكش علي نفسك وتقول تخيلات ....

لو خرجت من حياتك التعليمية واكتشفت أنك ما قدرتش تكتشف شئ جواك من مواهبك أو أنك قدرت تبتكر حاجة ما تقولش عادي كبر دماغك ...لو تلاقي معادلة التعليم لسه واقفة عند 1 + 1 = 2 ماتزعلش عشان أكيد في حاجة غلط لما نصرف مليارات الجنيهات سنويا مدارس ودروس خصوصية وتكتشف أننا بنصرف حوالي 4.05% من إجمالي الدخل القومي علي التعليم وبنصرف ما يقدر ب15 مليار سنويا علي الدروس الخصوصية علي حد قول وزير التعليم السابق وتلاقي انك برضة حتي الآن لسه مش فاهم حاجة لا بقي لازم نقولها بالفم المليان سكوت هـــــــــــنصوت

.
حالة التعليم المتدنية اللي وصلنا ليها كانت مثار للتساؤل الشديد ..مش هنكلم عن تقرير التنمية الإنسانية اللي صدر سنة 2003 واتكلم عن مشكلة التعليم في الدول العربية وهتلاقيه موجود بالتفصيل في الموقع ده
http://www.undp.org/rbas/ahdr/arabic2003bychapters.html
لكن في سؤال ملح جداًُ بالرغم من أن الطفل المصري معروف بالذكاء بين أقرانه باعتراف المتخصصين والدليل نجاح عدد لا بأس به من الأطفال المصريين المقيمين بالخارج . السؤال اللي كان مطروح بقوة ليه ما فيش أينشتاين مصري بالرغم من ذكاء الطفل المصري.الجواب مش محتاج لف ودوران كثير لأن كل واحد منا يقدر يكتشف الإجابة ببساطة لو دخل أي مدرسة أو علي الأقل فتح الكتب المدرسية وتقدر تستنج بنفسك ليه ما فيش مبدع..الحكاية مش واقفة علي الإبداع بس الطفل عندنا مش بيعامل علي أنه ثروة المفروض نكتشفها وندعم نقاط القوة ونكشف نقاط الضعف اللي موجودة عشان نخلق جيل قادر علي الابتكار لكن اللي عندنا الطفل بيعامل علي أنه مخطئ في جميع الأحوال لو لقيته قاعد بيرسم يبقي قليل الأدب ومش محترم الأستاذ .

لو لقيته بيغني يبقي عايز يعمل مسخرة لو لقيته بيكتب يبقي يطرد بره الحصة عشان مش مركز وغيرها كثير وكثير من غير ما نحاول نشوف الطالب ده بيعمل كدة ليه من غير ما نحاول نستغل هوايته عشان نوصل لهدفه هو عايز يكون إيه . المطلوب منه يكون آلة يسمع وبس مالوش حق المناقشة والسؤال .عليه بس أن يسمع من غير مقاطعة عليه يخزن المعلومة وفي النهاية هو مجرد وعاء لتخزين المعلومات بيكون جاهز للامتلاء من بداية السنة حتى نهاية السنة ومع بداية الامتحانات يكون الطالب وصل لمرحلة الاستعداد لإفراغ هذا الوعاء وبكل اقتدار بعد الامتحانات فتش في عقل الطالب عن معلومة واحدة .

للأسف كل المعلومات انتهت مع انتهاء الهدف منها كل يوم بنموت الألف من المواهب اللي جوا الطلاب اللي قادرة تنقلهم من مستوي تعليمي أي كلام لمستوي تعليمي حقيقي ملموس . وبدل من أن نبحث عن منظومة تعليمية قادرة على الإبداع و تنمية قدرات التفكير واكتشاف المواهب والقدرات واستخدام أسلوب البحث تتحول بقدرة قادر إلي منظومة تعليمية تقوم على سياسة التلقين والحفظ المشكلة تكمن في أكثر من مجال أوله الكتاب المدرسي الذي لم يتغير رغم نغير كل الظروف المحيطة به الكتاب هو نفسه الكتاب منذ عشر سنوات وأكثر يخليك تحس بسهولة أنك مش بتقرا في كتاب مدرسي أنا بتدخل متاهات عليمة مطلوب منك الخروج منها بأقل خسائر ممكنة ..فيكون طبعا اقل خسارة أنك تقفل الكتاب ..وتبحث عن ملاذ أخر للهروب من كارثة اسمها الكتب المدرسية . ليس في مرحلة واحدة فقط بل تتدرج في جميع مراحل التعليم .

بلاش نكلم في الكتاب المدرسي ممكن تتدخل أي فصل في أي مدرسة وبنظرة وحيدة تقدر تكتشف أن عدد طلاب الفصل يتجاوز الخمسين والستين طالب في الفصل الواحد ومطلوب من شخص واحد أن يقوم بتوصيل المعلومة إلي كل هؤلاء الطلاب ..ومطلوب منه في نفس الوقت السيطرة علي الطلاب حفاظاً علي النظام ..مطلوب منه في نفس الوقت أن يكتشف المواهب والمهارات في داخل الطلاب ..مطلوب منه في نفس الوقت أن يجيب علي الأسئلة المطروحة أن وجد .مطلوب منه أن ينفذ خطة الوزارة في الانتهاء من المقررات في الفترة المطلوبة .وغيرها .أننا لا نريد مدرس يقوم بالعملية التعليمية أننا نطالب بوجود سوبرمان في كل فصل مدرسي ..لكننا لا يمكن أن نعفي المدرس من المسئولية فيدل من أن يحاول أن يصلح الأحوال تم الاستفادة بكامل الوضع فكل المسئولين عن العملية التعليمية أن لم يكن معظمهم ..استغلوا ظروف المحنة التعليمية التي نمر بها . في مجال الدروس الخصوصية من أول سن الحضانة حتى في مرحلة الجامعة. الدروس الخصوصية أصبحت أولى مصادر الدخل لجميع العاملين بالمنظومة التعليمية وأولي مصادر ضياع دخل الأسرة وليتهم حتى قادرين أن يستكشفوا المواهب أنهم يقتلون المزيد منها ويرحبون بسياسة الحفظ والتلقين حتى النهاية للدرجة التي تعتقد فيها أننا ندرس ولا نتعلم ولكننا ندرس بكل فخر وندفع كل أموالنا من أجل شراء شهادات وليس أن نتعلم ونكتشف ما بداخلنا

... أنني لا أحاول أن أكون البطل الباحث عن الحلول لأن هناك أبطال حقيقيون في نظري يحتاجون إلي بعض الرحمة الطالب الذي لا يلاحق ما بين الدراسة في المدرسة وبعدها ينتقل إلي جدول الدروس وبعدها ينتقل إلي جدوله بحثا عن حفظ كل ما درسه في اليوم ثم يتكرر نفس السيناريو بشكل يومي إلا يستحق هذا الطالب رغم كل الانتقادات التي وجهت إليه أن يكون البطل . أننا نصل إلي المرحلة الجامعية ونكمل دراستنا ونكتشف أننا بعيدون عن مجال البحث أو حتى بعيدون عن اكتشاف أنفسنا من الحقيقة التي نعيش فيها . نكتشف أننا بالرغم من وصولنا إلي الدرجات العلمية العالية علي سلم الجامعات التي نكمل فيها أيضا بسياسة الحفظ والتلقين. أننا لم نكتشف أنفسنا أو حتى اكتشفنا ماذا نريد أن نكون. أننا نكمل دربنا في الحياة وكأنه طريق لا مفر منه لا نختار بل يحكمنا قانون يسمي قانون البقاء لمن يحفظ أكثر .

حقك أن تعترض علي كلامنا وأن تؤيد أنك حصلت علي أفصل تعليم يمكن ودرست بأحسن أسلوب ولكنك إذا أردت اكتشاف نفسك حقيقيا .يمكنك أن تدخل إحدى غرف الدردشة علي الإنترنت وابحث عن لن أقول كبار في السن ابحث عن مراهقون من أوربا . أو أسيا وتحدث معهم واكتشف فرق الثقافة والتعليم بينكم .. حقك أن تقول أن الثقافة تختلف من دولة إلي دولة أخري . اذهب إلي أي مصلحة حكومية واكتشف بنفسك خريجين يخطئون في الكتابة ماذا تسمي هذا... صدقني حين تبحث عن عمل ولن تجد شهادتك وحدها تكفيك للعثور علي العمل لن يكفيك سوي أن تقول " تعليمنا أونطة "

هل يصبح تعليمنا مجرد برواز علي الحائط مسجل فيه كل الشهادات التي حصلنا عليها .

صدق نفسك حين تشعر أن أعظم إحساس بالألم والذل أن تكون مجرد واحد من التعداد السكاني ليس أكثر ولا أقل


6 Comments:

At 9:52 AM, Blogger shady said...

من الواضح ان النظام التعليمى يرجع الى الخلف اذا قارنت نفسك باى شخص حاصل على مؤهل قديم اقدم منك بعقد او اكثر ستجد نفسك متخلف عنه كثيرا مستواه فى الانجليزى والعربى على سبيل المثال اعلى النحو
الكتب القديمه اكثر حداثه من كتبنا الحاليه واكر غزاره فى المعلومات
فى رايى الشخصى انهم يدمرون التعليم والا برر لى تغيير نظام الثانويه كل شويه دون جدوى هل تتم هذه التغييرات دون دراسه تبقى كارثه فعلا وليه لا تطبق انظمه من الخارج ونخلص بما ان البلد ما فيهاش كفاءات فرضا
وبعدين اذاى طبيب افال يعملوه وزير تعليم كل الفترة اللى فاتت ما فيش اساتذة تربيه تقوم بهذه الوظيفه
حاجه تحير فعلا
وبعدين ليه وزارة التربيه والتعليم وننا عن باقى الوزارات الاجور فيها متدنيه بهذا الشكل
معضله اخرى
وبعدين لماذا المدرس البأس اللى بنفرض عليه الا يعمل خارج المدرسه ولا يفرض هذا على الطبيب والمدرس وباقى المهن يبدو ان المدرس خلق لكى يناضل من اجل التعليم بملاليم لانه انسان اقل درجه والله اعلم
اذا ساء حال العصبه الحاكمه ساء حال التعليم والثقافه والصحه والاعلام والاقتصاد والزراعه كلها منظومه واحده تعلو وتقع بعلو ووقوع الحاكم
اذا اردت اصلاح التعليم فاصلح راس النظام تصلح كل اطرافه
وشكرا

 
At 7:16 PM, Anonymous مريم said...

كلامك عن البحث عن الذات و اكتشافها مهم قوي و أنا جايز حاسة بيه جدا لأني لسه مخلصة رواية "السيميائي" لباولو كويلو ترجمة بهاء طاهر و هي رواية عن "الأسطورة الذاتية" و ايمان الفرد بقدراته و سعيه لتحقيق حلمه

طبعا دا كلام بعيد جدا عن أهداف التعليم في مصر، عشان كده أحيانا كتير باحس اننا تعرضنا لعملية مسخ شخصية من الدرجة الأولى - مسخوها خلوها شخصية غريبة تلاقي نفسك مثلا في كلية كويسة أو حتى وظيفة محترمة و مع دلك حاسس انه مش مكانك و ان مين عالم كان ممكن تبقى ايه لو بجد عرفت نفسك كويس وحددت نقط قوتك و قدراتك الحقيقية...بيفضل دايما في سؤال طب مش ممكن أنا أكون أحسن في حاجة تانية بس أنا اللي مش عارف..هاقول ايه مش عايزة ادعي على حد

بس سبحان الله حاسة زي ما نكون كنا في مدرسة واحدة فبل كده:)

 
At 2:09 PM, Anonymous Anonymous said...

[B]NZBsRus.com[/B]
Escape Slow Downloads With NZB Downloads You Can Easily Find High Quality Movies, Console Games, Music, Applications and Download Them at Flying Rates

[URL=http://www.nzbsrus.com][B]Newsgroup Search[/B][/URL]

 
At 7:17 PM, Anonymous Anonymous said...

I read this forum since 2 weeks and now i have decided to register to share with you my ideas. [url=http://inglourious-seo.com]:)[/url]

 
At 4:09 PM, Anonymous Anonymous said...

Making money on the internet is easy in the hush-hush world of [URL=http://www.www.blackhatmoneymaker.com]blackhat link building[/URL], Don’t feel silly if you don't know what blackhat is. Blackhat marketing uses alternative or little-understood ways to produce an income online.

 
At 4:18 AM, Anonymous Anonymous said...

[url=http://www.realcazinoz.com]Online casinos[/url], also known as accepted casinos or Internet casinos, are online versions of forefather ("slab and mortar") casinos. Online casinos concurrence gamblers to select up and wager on casino games from employer to foot the Internet.
Online casinos typically invite odds and payback percentages that are comparable to land-based casinos. Some online casinos drop forth higher payback percentages with a witness downheartedness gismo games, and some phylum celebrated payout behalf audits on their websites. Assuming that the online casino is using an correctly programmed unlooked-for ungrudging generator, rehearse games like blackjack clothed an established heritage edge. The payout plate mission of these games are established prior the rules of the game.
Incalculable online casinos sublease or betterment their software from companies like Microgaming, Realtime Gaming, Playtech, Pandemic Bring off the necessary Technology and CryptoLogic Inc.

 

Post a Comment

<< Home