رفا مشاعر
كتب: كينج توت
قلبـِك حاضن كل الناس
مش بس مجرد أحساس
دراعاته دايما ً مفتوحة
للخير ع الآ َخر
قلبك أنتى بأحس بأنه
رفــّا مشاعر
قلبك أنتى يضم كأنه
سعيد على طول
عمرى ماشوفته فى يوم مقفول
ف وش جريح
حبك للناس ,, كل الناس
حب صريح
مهما عيون الناس بتقول
مع أن عيونهم فيها كتير
م التجريح
بس أنتى كأنك مش شايفه
واقفه وسطيهم مش خايفه
و حنانك وافر
قلبك أنتى بأحس بأنه
رفـّا مشاعر
كل أسير للحزن بأيدك
أصبح حر
عمر ما داء من عسلك حد
ولقاه مر
عمر ما كان قلبك مش قادر
عمر ما كان أحساسك فاتر
قلبك أنتى بأحس بأنه
رفـّا مشاعر
posted by Ghada @ 3:05 AM
6 Comments:
هوا مش من المعتاد ان الواحد يعلق على قصيدة
القصيدة الحلوة بتعيش جوه اللي بيقرؤوها
والوحشة بتموت
دي قصيدة حتعيش!!
على الأقل في نفسي
أبن مر
أشكرك جدا ً تشجيعك و أتمنى أن دايما ً أللى بأكتبه يعيش فى نفسك دائما ً و أنى دايما ً أكون عند حسن ظنك
KING TOOOT
kingtooot.blogspot.com
قلبك أنتى يضم "كأنه"
سعيد على طول
--
حلوة قوي "كأنه" دي يا توت.. مبسوطة بموهبتك
:)
غادة
شاكر جدا ً على التعليق و شاكر أكثر على النشر
ربنا يخليكوا للغلابه
KING TOOOT
kingtooot.blogspot.com
جميلة جدا
و الاسم و الصورة"رفا مشاعر" في منتهى الحساسية
مريم
متشكر جدا ً على التعليق الرقيق و أرجو دايما ً أن أنول هذا الأستحسان
KING TOOOT
kingtooot.blogspot.com
Post a Comment
<< Home