ما رأيكم دام فضلكم؟
تسألكم: غادة
كنت استشير صاحب التهاويم في جعل المجلة نصف شهرية (تصدر كل أسبوعين يعني)، لأن الوضع أصبح مجنونا هنا، (لا أكاد انتهي من نشر عدد حتى أدخل في تفاصيل العدد الجديد وهكذا دواليك، مما أن قلص مشاركاتي بالتعليق جدا في الفترة الأخيرة)، فابدى ارتياحا واضحا..
وعندما كنت أخذ جولة عند بنت مصرية، لاحظت أنها تفكر بنفس الطريقة، وهذا ما شجعني في طرح الفكرة عليكم. بالطبع سنستحدث أبواب، وسنصدر عددا "تختوخاً" إن صدرنا نصف شهريا .. وسنتمكن من استكمال النقاشات التي كانت تقطع بسبب قلة الوقت وبسبب صدور العدد الجديد ..
ما رأيكم دام فضلكم؟
posted by Ghada @ 3:24 AM
13 Comments:
برافو مجلة ديمقراطيه
يارييييييييييت بشدة وبعنف.. عشان أنا بصراحة هاموت وأعمل حاجة من الأفكار اللي عمالة أخزنها ومش لاقية وقت كفاية... ياريت يا غادة بجد وأكيد كده هيكون أجمل وأحسن وهيكون ليه تأثير على المجلة لطيف
أنا أصوت من أجل ذلك وصوتي بعشرة
وانا كمان معاكي يا غادة في الاقتراح ده
بالطبع سنستحدث أبواب، وسنصدر عددا "تختوخاً" إن صدرنا نصف شهريا .. وسنتمكن من استكمال النقاشات التي كانت تقطع بسبب قلة الوقت وبسبب صدور العدد الجديد ..
يعني ده إغراء ولا إيه يا غادة :P
عالعموم أنا موافقة رفقا بيكي كمان أنتي و حامد عشان واضح ان انتو بجد اطحنتو خالص
بعدين يا آنسة أنا لسة البلوج بتاعي متحطش عاللينكس..و بعدين بقى؟؟
ياللا سماح المرة دي بس :P
يوووووووووووووووه
دا انتوا مستقصدنـّى بقى ,, أنتى و بنت مصرية ,, أنتوا أيه متفقين عليا ؟؟ , دا انتوا حاتجننونى بقى , مش فاهم يعنى كل شوية نخليها نصف شهرية , نخليها نصف شهرية , ايه الحكاية
دا أنا لما بنت مصرية قالت الفكرة دى و أعترضت عليها و قعدنا فى مناقشات كتير على الجريدة و فى الآخر قلنا طيب نجرب ,, أنا قلت فى نفسى أن مجلة مصر مش كده هى أللى حاتملى الفراغ الأسبوعى ده يبقى ألاقى النهارده نفس التفكير عند غادة
على العموم أنا طبعا ً عارف أن مهما أنا قلت الفكرة حا تتنفذ حاتتنفذ و لكن انا ليا طلب
أن يحصل تنسيق بين غادة و بنت مصرية علشان يبقى أصدار جريدة بنت مصرية مش فى نفس الأسبوع بتاع مجلة مصر مش كده يعنى أسبوع و أسبوع علشان ما نحسش بالأنقطاع فترة طويله
ايه رأيكم ؟
KING TOOOT
kingtooot.blogspot.com
بقا ايه يا كنج ما تيجى فتح مجلة ملاكى
ونخليها تصدر كل يوم بما انك حمى اوى كده
هههههههه
أنتو اتفقتوا مع بعض والا ايه؟ ممكن تنظموا وقتكو أكتر من كده شوية. في ناس بتدون تقريبا كل يوم (زي رامي وطق حنك) وغيرهما.
في النهاية لكما حق تقرير ما تريدان..
شادى
يا عم دا أنا قربت أغبط دماغى فى الحيط بس خايف على الحيط ليجرالها حاجة
KING TOOOT
kingtooot.blogspot.com
شادي:
طبعا ديمقراطيين .. عندك شك ولا إيه؟
:) :P
دعاء:
أكيد يا دعاء ده هيؤثر على جودة الشغل وروح المجلة (بالايجاب إن شاء الله)
صحيح إيه موضوع صوتك بعشرة ده .. عاوزة الناس تقول علينا بنشرف ع الانتخابات ولا إيه! إنتِ دايما متواضعة كده يا بنتي
:P:P
ابن مر:
متشكرين جدا على التشجيع
نور:
طبعا إغراء .. الحقيقة إحنا فعلا اتبهدلنا .. وبعدين ده كفاية الصور اللي حامد بيصورها يا عيني في نفس يوم اصدار العدد تقريبا
(معلش يا حامد!)
اللينك بتاعك في الطريق يا نور ..
:)
كينج تووت:
هشوف موضوع التنسيق مع بنت مصرية إن شاء الله .. وربنا يسهل ..
علاء/جيسون:
ندون كل يوم! يااااه .. وأنا اللي كنت باعتبر التدوين مرة في الاسبوع انجاز .. دأنا بقالي قرن مش عارفة أضيف حاجة لبلوجي و7 قرون ونصف عشان أضيف حاجة على بلوج كلام بنات! (أيوه طبعا باحقد على طق حنك ورامي!)
--
صحيح يا جماعة .. يا ريت لو تقولو لنا ممكن نستحدث إيه .. نفكر سوا يعني .. وشكرا لاهتمامكم
:)
أنا مقدرة الى غادة بتتكلم عنه وحاسة بيه كويس أوى
وخصوصا الكربسة اللى بتحصل قبل نزول العدد مباشرة
عشان كده تجربة نصف شهرية ماتخسرش، لو فشلت نرجع قواعدنا سالمين
دا انا حتى كل ما اجى اكتب موضوع لمصر مش كده اتلخم وملقيش وقت يمكن كده تيجى فرصة لى وتنتهى حجتى ;)
يعني الكل كده موافق على موضوع الأسبوعين ده .. أقصد الأغلبية طبعاً ..
بس أهم حاجة إننا نتفق من الأول إن مش عشان هتبقى المجلة كل أسبوعين إننا نبلط في الخط ومنكتبش حاجة هنا طول الأسبوعين ونسيب البلوج تعشش فيه العناكب ..
مش لازم نعيد ونزيد كل شوية في إن المجلة ده بتاعتنا كلنا .. حاجة مشاع للجميع كده من الآخر :) يعني خلاصة الكلام إن كل واحد من اللي هيقروا كلامي ده عليه حصة من الشغل لازم وحتماً يعملها كعمل تطوعي ;) ..
على الأقل شوية اقتراحات كده عن أبواب جديدة ..
من الآخر اللي عنده أي حاجة ياريت مينسناش .. أي حاجة .. صورة ، مقال ، كلمة حلوة كلمة وحشة .. اي حاجة و خلاص !
ياااه يا جماعة كل دي أفكار ..
الحقيقة مش عارفة أقول إيه!!
قد كده أبواب المجلة "مكفيين .. وفايضين.. وبنتبرع ..."
ولا إنتو بعتونا ولا إيه؟ سمعونا صوتكم..
عاوزيين تقروا إيه في المجلة؟
أنا شايف ان كل ما الوقت بين العدد والثانى يزيد كل ما يكون احسن للمتابعة.
وده لأنى باتابع مجلات وجرائد ومواقع كثيرة معظمها اسبوعية ودا بيخلى وقتى كله قراءة ومفيش وقت للتعليق أو المشاركة بحاجة.
Post a Comment
<< Home